ઈ.ડી.એ કેજરીવાલને મોકલ્યું ચોથું સમન્સ

Author: નોબત સમાચાર

ઈ.ડી.એ કેજરીવાલને મોકલ્યું ચોથું સમન્સ

શરાબ ઘોટાલાને લઈને

નવી દિલ્હી તા. ૧૩ઃ 'આપ'ના કેજરીવાલને ઈ.ડી.એ ચોથું સમન્સ પાઠવ્યું છે. લિકર કૌભાંડ મામલે ૧૮ જાન્યુઆરીએ પૂછપરછ માટે બોલાવ્યા છે.

શરાબ ગોટાળાના કેસમાં ઈ.ડી.એ ફરી એકવાર દિલ્હીના મુખ્યમંત્રી અરવિંદ કેજરીવાલને સમન્સ જારી કરીને ૧૮ જાન્યુઆરીએ હાજર થવા માટે કહ્યું છે. એન્ફોર્સમેન્ટ ડિરેક્ટોરેટ દ્વારા કેજરીવાલને દારૂ નીતિ કેસમાં મોકલવામાં આવેલું આ ચોથું સમન્સ છે. આ પહેલા તેમને ર નવેમબર, ર૧ ડિસેમ્બર અને ૩ જાન્યુઆરીએ ત્રણ સમન્સ જારી કરવામાં આવ્યા હતાં, પરંતુ તેમણે પૂછપરછમાં ભાગ લીધો ન હતો. હવે જોવાનું એ રહે છે કે, ચોથા સમન્સ પછી અરવિંદ કેજરીવાલ ઈડી સમક્ષ હાજર થાય છે કે નહીં.

છેલ્લા સમન્સ પછી આમ આદમી પાર્ટીએ કહ્યું હતું કે, તેઓ ઈ.ડી.ને સહકાર આપવા માંગે છે, પરંતુ આ ઈડી સમન્સ રાજકારણ સાથે સંબંધિત છે. આ ચોથા સમન્સ અંગે આમ આદમી પાર્ટી તરફથી હજુ સુધી કોઈ પ્રતિક્રિયા આપવામાં આવી નથી. ઈડી દ્વારા સતત સમન્સ જારી કર્યા પછી આમ આદમી પાર્ટી દાવો કરી રહી છે કે આ તમામ પ્રક્રિયા અરવિંદ કેજરીવાલની ધરપકડ કરવા માટે કરવામાં આવી રહી છે. ઈડી તેને પૂછપરછના બહાને બોલાવીને તેની ધરપકડ કરવા માંગે છે.

આપનું કહેવું છે કે, જો ઈડી પૂછપરછ કરવા માંગે છે તો તે તેના પ્રશ્નો લખીને કેજરીવાલને આપી શકે છે. થોડા દિવસો પહેલા આમ આદમી પાર્ટીના નેતાઓએ કેજરીવાલની ધરપકડનો ડર વ્યક્ત કરવાનું શરૂ કરી દીધું હતું. આપ નેતાઓએ દાવો કર્યો હતો કે ઈડી આજે અરવિંદ કેજરીવાલના આવાસ પર દરોડા પાડી શકે છે અને તેમની ધરપકડ પણ કરી શકે છે.

દિલ્હી સરકારના મંત્રીઓ આતિથી, સૌરભ ભારદ્વાજ અને રાજ્યસભા સાંસદ સંદીપ પાઠકે સોશિયલ મીડિયા પ્લેટફોર્મ એક્સ પર દાવો કર્યો હતો કે ઈડી આજે કેજરીવાલના ઘરે દરોડા પાડી શકે છે. ત્યારપછી તેમની ધરપકડ કરવામાં આવી શકે છે. આપના આ આરોપો પર ભાજપે પણ પ્રહારો કર્યા છે. બીજેપીના પ્રવક્તા હરિશ ખુરાનાએ કહ્યું છે કે, આતિથી અથવા અન્ય આપ નેતાઓને રસપ્રદ વાર્તાઓ બનાવવાની મજા આવે છે. વિપશ્યના તમારા માટે મહત્ત્વપૂર્ણ છે. કાયદો નહીં સાંસદની ચૂંટણી મહત્ત્વની છે. કાયદો નહીં અરવિંદ કેજરીવાલ પોતાને કાયદાથી ઉપર માને છે.

આ વર્ષે ૧૬ એપ્રિલે ઈ.ડી.એ દિલ્હીના કથિત દારૂ કૌભાંડમાં અરવિંદ કેજરીવાલની લગભગ ૯ કલાક સુધી પૂછપરછ કરી હતી. કેન્દ્રિય એજન્સીએ તેમને ર નવેમ્બરમાં પૂછપરછ માટે સમન્સ જારૂ કર્યું હતું, પરંતુ પ રાજ્યોની વિધાનસભા ચૂંટણીમાં વ્યસ્ત હોવાને કારણે તેઓ ઈડી સમક્ષ હાજર થયા ન હતાં.

જો આપને આ પોસ્ટ ગમી હોય તો શેર કરો...