Author: નોબત સમાચાર
ભાડથરના મધ્યાહ્ન ભોજન કેન્દ્રમાં દાળભાતમાં રોજ ધનેડા અને જીવાત!
રજૂઆતો છતાં પગલાં નહીં લેવાતા વાલીઓમાં રોષઃ
ખંભાળિયા તા. ૧૩ઃ ખંભાળિયા તાલુકાના ભાડથર ગામે આવેલી સરકારી પ્રાથમિક શાળા નં. ત્રણમા મધ્યાહન ભોજનમાં છાત્રોને રોજ ભોજનમાં દાળભાતમાં ધનેડા જેવી જીવાત નીકળતી હોય, વાલીઓમાં ભારે રોષની લાગણી ફેલાઈ છે.
ભડથર પ્રાથમિક શાળા નં. ત્રણના મધયાહન ભોજન જમતા છાત્રોમાંથી મોટા છાત્રોને આવી કાળા કલરની જીવાત તથા મોટા જીવડા અને ધનેડા દાળભાતમાં નીકળતા હોય, વાલીઓને જાણ કરતા તેમણે પણ વારંવાર મ.ભો.યો. સંચાલક તથા શાળાના શિક્ષકોને જણાવેલું પણ જાણ છતાં કંઈ પગલાં ના લેવાતા ગઈકાલે ભાતમાં નીકળેલ અસંખ્ય જીવાતના વીડિયો તથા ફોટા વાયરલ થતા સમગ્ર ભાડથર ખંભાળિયા પંથકમાં ભારે રોષની લાગણી ફેલાઈ છે તથા આ બાબતે જિલ્લા શિક્ષણાધિકારી તથા ડે. કલેક્ટરને પણ જાણ કરવામાં આવી છે.
મધ્યાહન ભોજનમાં અપાતા અનાજનો જથ્થો ઘણી વખત સરકારી હોય, પડતર અને બગડેલો અપાતો હોય છે. ત્યારે દિવસોથી આવી જીવાતવાળા દાળભાત દેવાથી ભાવિ પેઢીના નાગરિકોના જીવન અને આરોગ્ય સાથે ચેડાં ભારે જોખમી બનવાની સાથે સમગ્ર જિલ્લામાં રોષનું કેન્દ્ર પણ બન્યા છે તથા તાકીદે આવું ભોજન બંધ કરવાની સાથોસાથ પગલાં ભરવાની પણ માંગ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
