Author: નોબત સમાચાર
દેવભૂમિ દ્વારકા જિલ્લામાં હાજર થયેલા સાત ફોજદારને સોંપવામાં આવ્યો ચાર્જ
વધુ ત્રણ પીએસઆઈની બદલી કરાઈઃ
જામનગર તા. ૧૩ઃ દેવભૂમિ દ્વારકા જિલ્લાના ત્રણ પીએસઆઈની બદલીનો દ્વારકા એસપીએ હુકમ કર્યાે છે. જ્યારે અન્ય જિલ્લામાંથી બદલી પામીને આવેલા સાત પીએસઆઈને જુદા જુદા પોલીસ સ્ટેશનનો ચાર્જ સોંપવામાં આવ્યો છે.
દેવભૂમિ દ્વારકા જિલ્લામાં પોલીસતંત્રમાં ફરજ બજાવતા પાંચ પીએસઆઈની બુધવારે આંતરીક બદલી કરતો હુકમ જિલ્લા પોલીસવડા નિતેશ પાંડેયે કર્યા પછી ગઈકાલે ૧૮ પોલીસ કર્મચારીઓની અરસપરસ બદલી કરી હતી. ત્યારપછી આજે વધુ ત્રણ પીએસઆઈની બદલીનો હુકમ કરાયો છે.
હાલમાં દ્વારકા પોલીસ સ્ટેશનમાં ફરજ બજાવતા પીએસઆઈ એ.એલ. બારસીયાને એલસીબીમાં મુકવામાં આવ્યા છે, એસપીના રીડર પીએસઆઈ વી.એમ. સોલંકીને ટ્રાફિક શાખા તથા ભાટિયા આઉટ પોસ્ટના પીએસઆઈ કે.એમ. જાડેજાને એસપીના રીડર પીએસઆઈ તરીકે નિયુક્ત કરાયા છે.
તે ઉપરાંત અન્ય જિલ્લાઓમાંથી બદલી પામીને આવેલા પીએસઆઈ એન.એન. વાળાને એએસપીના રીડર પીએસઆઈ તરીકે મુકાયા છે. જ્યારે પીએસઆઈ જે.એમ. અગ્રાવતને મહિલા પોલીસ સ્ટેશન, પીએસઆઈ કે.પી. ઝાલાને ભાટિયા આઉટ પોસ્ટ, પીએસઆઈ જે.બી. જાડેજાને ટ્રાફિક શાખા, પીએસઆઈ એમ.એચ. ચૌહાણ તથા પીએસઆઈ આર.પી. રાજપૂતને સાયબર ક્રાઈમ પોલીસ સ્ટેશન તેમજ પીએસઆઈ આર.વી. જોષીને દ્વારકા પોલીસ સ્ટેશનનો ચાર્જ આપવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
