Author: નોબત સમાચાર
જામજોધપુર તથા કાલાવડમાં ચાઈનીઝ દોરી અંગે ચકાસણીઃ ત્રણ સામે કાર્યવાહી
પ્લાસ્ટિક દોરીવાળી ચાર ફીરકી કબજે કરાઈઃ
જામનગર તા. ૧૩ઃ જામજોધપુરમાં જકાતનાકા પાસે પતંગ તથા ફીરકીનું વેચાણ કરતા બે શખ્સને ત્યાં ગઈકાલે પોલીસે ચકાસણી કરતા પ્રતિબંધિત કાચથી પીવડાવવામાં આવેલી દોરી મળી આવી હતી. જ્યારે કાલાવડમાંથી પ્લાસ્ટિકની દોરી વીટેલી ચાર ચરખી પોલીસે કબજે કરી હતી.
જામજોધપુર શહેરમાં જકાતનાકા પાસે દરણા દળવાની મીલ નજીક પતંગ તથા દોરીનો વ્યવસાય કરતા મયુર ધીરૂભાઈ મકવાણાને ત્યાં ગઈકાલે પોલીસે ચકાસણી કરતા ત્યાંથી પ્રતિબંધિત કાચથી પાયેલી દોરીના બે દડા મળી આવ્યા હતા. જ્યારે બાજુમાં જ પતંગ અને દોરી વેચતા મુકેશ સીદીભાઈ સોલંકીને ત્યાં પણ ચકાસણી કરાતા ત્યાંથી પણ એક માંઝો મળી આવ્યો હતો. બંને વેપારી સામે જાહેરનામા ભંગ અંગે કાર્યવાહી કરાઈ છે.
કાલાવડ શહેરમાં શિતલા કોલોની પાસે મઢુલી નજીક પતંગના દોરા, ચરખીનું વેચાણ કરતા લલીત બટુકભાઈ સોલંકીને ત્યાં કાલાવડ પોલીસે ચકાસણી કરતા ત્યાંથી પણ પ્રતિબંધિત પ્લાસ્ટિક દોરીની ચાર ચરખી મળી આવી હતી. તેની સામે કાર્યવાહી કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
