Author: નોબત સમાચાર
દ્વારકામાં કાદવવાળા ખાડામાં ખુંપી જતાં અજાણ્યા યુવાનનું નિપજ્યું મૃત્યુ
મસીતિયામાં કૂવામાં પડી ગયેલા શ્રમિકનું મોતઃ
જામનગર તા.૨૩ : જામનગર નજીકના મસીતીયામાં એક ખેતરમાં આવેલા કૂવામાં મંગળવારે કોઈ રીતે ખાબકી ગયેલા શ્રમિકનું ડૂબી જવાથી મૃત્યુ નિપજ્યું છે. જ્યારે દ્વારકામાં કાદવવાળા ખાડામાં પડી ગયેલા અજાણ્યા યુવાન ખુંપી ગયા પછી મોતને શરણ થયા છે. પોલીસે મૃતકની ઓળખ મેળવવા તપાસ શરૂ કરી છે.
જામનગર તાલુકાના મસીતીયા ગામની સીમમાં આરીફભાઈ નામના ખેડૂતના ખેતરમાં મજૂરીકામ માટે આવીને રહેતા મૂળ દાહોદ જિલ્લાના સંજેલી તાલુકાના ચમારીયા ગામના અજય લાલસીંગ બામણીયા (ઉ.વ.ર૪) નામના શ્રમિક મંગળવારે સાંજે ખેતરમાં હતા ત્યારે કોઈ રીતે કૂવામાં ખાબકી ગયા હતા.
અવાજ સાંભળીને દોડી આવેલા તેના પિતા લાલસીંગ પારસીંગ વગેરેએ અજયને બહાર કાઢી સારવાર માટે ખસેડવાની તજવીજ કરી હતી. વધુ પડતું પાણી પી ગયેલા આ યુવાનનું મૃત્યુ નિપજ્યું છે. પિતાએ પોલીસને જાણ કરી છે.
દ્વારકા શહેરમાં એસીસી મેદાન નજીક એક શાળાની પાછળ આવેલા કાદવ-કિચડવાળા ખાડા પાસેથી ગઈકાલે સાંજે ચાલીસેક વર્ષની વયના લાગતા એક અજાણ્યા યુવાન પસાર થતી વેળાએ કોઈ રીતે ખાડામાં પડી ગયા હતા. કાદવમાં ખુંપી ગયેલા આ યુવાન બહાર નીકળી શક્યા ન હતા અને તેઓનું મૃત્યુ નિપજયું હતું. બનાવની જાણ થતાં દ્વારકા પોલીસની ટીમ દોડી આવી હતી. પોલીસે મૃતદેહને પી.એમ. માટે ખસેડી મૃતકની ઓળખ મેળવવા તપાસ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
