Author: નોબત સમાચાર
લાલપુરના નવાણીયા ગામમાં ઝટકા મશીનમાંથી આંચકો લાગતા યુવકનું મોત
રૂપારેલ નદીમાં ડૂબી જતાં તરૂણ પર કાળનો પંજોઃ
જામનગર તા. ૧૭: લાલપુરમાં નવાણીયા ગામમાં એક ખેડૂતે પાકને બચાવવા માટે ખેતરના શેઢે મૂકેલા ઝટકા મશીનના વાયર પરથી રવિવારે સાંજે એક અજાણ્યા યુવાન મૃત્યુ પામેલી હાલતમાં મળી આવ્યા છે. પોલીસે મૃતકની ઓળખ મેળવવા તપાસ શરૂ કરી છે. જ્યારે ગઈકાલે અલીયાબાડા નજીક રૂપારેલ નદીમાં ડૂબી જવાથી એક તરૂણના નિપજેલા મૃત્યુ અંગે તેના પિતાનું પોલીસે નિવેદન નોંધ્યું છે.
લાલપુર તાલુકાના નવાણીયા ગામમાં રહેતા જીવાભાઈ હમીરભાઈ ચાવડા નામના ખેડૂતે પોતાના ખેતરના શેઢે ઝટકા મશીન વડે વીજળી વહેતી મૂકી હતી. ખેતરમાં ઢોર ઘૂસી ન જાય તે માટે જીવાભાઈ એ ગોઠવેલા વાયર પરથી રવિવારે સાંજે પાંત્રીસેક વર્ષની વયના લાગતા એક અજાણ્યા યુવાન ઉંધા મ્હોંએ પડેલી હાલતમાં જોવા મળ્યા હતા.
આ યુવાનને ચકાસવામાં આવતા તેઓ મૃત્યુ પામેલા જણાઈ આવ્યા છે. જીવાભાઈએ પોલીસને જાણ કરી છે. પોલીસે હાલમાં અપમૃત્યુ અંગે નોંધ કરી તપાસ હાથ ધરી છે.
જામનગરના કાલાવડ નાકા બહાર આવેલા કલ્યાણપુર ચોકમાં રહેતા અયુબખાન અજીઝખાન મોગલ નામના પ્રૌઢ અને તેમના અગિયાર વર્ષના પુત્ર એજાઝખાન તેમજ રૂહીનાબેન અને જીયાન નામના વ્યક્તિઓ ગઈકાલે ઈદના તહેવાર નિમિત્તે અયુબખાનના વતન અલીયાબાડામાં અન્ય પરિજનોને મળવા ગયા હતા.
આ વ્યક્તિઓ જ્યારે નેવીમોડા ગામ નજીક રૂપારેલ નદી પાસે પહોંચ્યા ત્યારે એજાઝખાન સહિતના બાળકો નદીમાં માછલીને મમરા નાખતા હતા. આ વેળાએ એજાઝખાન નદીમાં પડી જતાં ડૂબી ગયા હતા. બનાવની જાણ થતાં પોલીસ તથા ફાયરબ્રિગેડ દોડ્યા હતા. ફાયરની ટીમે આ તરૂણને બહાર કાઢ્યો તે પહેલાં તેનું વધુ પડતું પાણી પી જવાથી મૃત્યુ નિપજ્યું હતું. પોલીસે પિતા અયુબખાનનું નિવેદન નોંધ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
