અમેઠીથી પરાજય ભલે થયો, પણ ત્યાં જ કામ કરતી રહીશઃ સ્મૃતિ ઈરાની

Author: નોબત સમાચાર

અમેઠીથી પરાજય ભલે થયો, પણ ત્યાં જ કામ કરતી રહીશઃ સ્મૃતિ ઈરાની

બહેનોની અર્થી ઊઠે ત્યારે જ સંબંધ ખત્મ થાયઃ ભાવુક નિવેદન

નવી દિલ્હી તા. પઃ લોકસભા ચૂંટણી ર૦ર૪ ના પરિણામોમાં યુપીએ સમગ્ર દેશને ચોંકાવી દીધો. ર૦૧૯ ની ચૂંટણીમાં ૬૪ બેઠક જીતનારી ભાજપ ૩૭ બેઠકો મેળવી શકી. ભાજપના ઘણાં કેન્દ્રિય મંત્રી પણ પોતાની બેઠક બચાવી ન શક્યા. આ દરમિયાન સૌથી મોટું નામ સ્મૃતિ ઈરાનીનું રહ્યું. સ્મૃતિ ઈરાનીને અમેઠીથી હારનો સામનો કરવો પડ્યો.

ભલે અમેઠીમાં સ્મૃતિ ઈરાનીને હારનો સામનો કરવો પડ્યો હોય, પરંતુ તેમણે સંકેત આપ્યો કે તેઓ અમેઠીને છોડશે નહીં અને આગળ પણ કામ કરતા રહેશે. તેમણે પરિણામો પછી આયોજિત પ્રેસ કોન્ફરન્સમાં જીત મેળવનાર કિશોરી લાલ શર્માને શુભકામનાઓ પણ આપી અને પોતાની ભવિષ્યની યોજનાઓ પર વાત કરી.

સ્મૃતિ ઈરાનીએ પોતાની પ્રેસ કોન્ફરન્સના સમાપન પર કંઈક એવું કર્યું, જેની આશા કોઈને નહોતી, જ્યારે તેમને પૂછવામાં આવ્યું કે શું ભવિષ્યમાં આમાં જ જોડાયેલા રહેશો તો તેમણે કહ્યું, 'બહેનો સાથેનો સંબંધ ત્યારે તૂટે છે જ્યારે અર્થી ઊઠે છે'. સ્મૃતિ ઈરાનીના ના નિવેદનની ખૂબ ચર્ચા થઈ રહી છે.

આ પહેલા સ્મૃતિ ઈરાનીએ આ પ્રેસ કોન્ફરન્સમાં કહ્યું, 'હું તે તમામ ભાજપ પાર્ટી કાર્યકર્તાઓ અને સમર્થકોનો આભાર વ્યક્ત કરૂ છું. જેમણે અત્યંત સમર્પણ અને નિષ્ઠાની સાથે મતવિસ્તાર અને પાર્ટીની સેવામાં કામ કર્યું છે. આજે હું પીએમ નરેન્દ્ર મોદી અને સીએમ યોગી આદિત્યનાથની આભારી છું કે તેમની સરકારોએ ૩૦ વર્ષોના બાકી કાર્યોને માત્ર પ વર્ષમાં પૂરા કર્યા છે. હું જીતનારને શુભકામનાઓ આપું છું. હું અમેઠીના લોકોની સેવામાં રહીશ. અમે સંગઠનને વધુ સશક્ત કરીશું.'

ક્યારેક કોંગ્રેસનો ગઢ મનાતી અમેઠી લોકસભા બેઠક પર ર૦૧૯ ની લોકસભા ચૂંટણીમાં સ્મૃતિ ઈરાનીએ કોંગ્રેસના રાહુલ ગાંધીને હરાવીને મોટો ઉલટફેર કર્યો હતો. આ વખતે કોંગ્રેસે આ બેઠક પર રાહુલ ગાંધીના સ્થાને કિશોરી લાલ શર્માને ઉતાર્યા. સ્મૃતિ ઈરાની કોંગ્રેસના કિશોરી લાલ શર્માને ટક્કર આપી શક્યા નહીં અને તેમને ૧,૬૬,૦રર વોટથી હારનો સામનો કરવો પડ્યો.

જો આપને આ પોસ્ટ ગમી હોય તો શેર કરો...