Author: નોબત સમાચાર
ભાનુશાળીવાડમાં પૌત્રને રમાડી રહેલા પ્રૌઢને ગાળો ભાંડવા ઉપરાંત શખ્સે ઈંટના ઘા કર્યા
વચ્ચે પડનાર કાકા-ભત્રીજાને ગાળો ભાંડવામાં આવીઃ
જામનગર તા. ૮ઃ જામનગરના ભાનુશાળી વાડમાં મંગળવારની રાત્રે પોતાના પૌત્રને બાલકનીમાં તેડીને ઉભેલા એક પ્રૌઢને એક શખ્સે ગાળો ભાંડ્યા પછી ઘર પર ઈંટના ઘા કર્યા હતા. જેમાં મહિલાને ઈજા થઈ છે. વચ્ચે પડનાર કાકા-ભત્રીજાને ગાળો ભાંડી ફડાકા ઝીંકાયા છે.
જામનગરના હવાઈચોક વિસ્તારમાં આવેલા ભાનુશાળીવાડમાં શેરી નં.૮માં રહેતા રાજેશભાઈ કનખરા નામના પ્રૌઢ મંગળવારે રાત્રે પોતાના પૌત્રને ઘરની બાલકનીમાં ઉભા રહીને રમાડી રહ્યા હતા ત્યારે ત્યાં ઉભેલા નાગરપરાવાળા હીરેન નટવરભાઈ જોઈસરને એમ લાગ્યું કે રાજેશભાઈ તેઓને ત્યાંથી જતા રહેવાનું કહે છે.
આ બાબતથી ઉશ્કેરાયેલા હીરેને રાજેશભાઈના મકાનની નીચે આવી ગાળો ભાંડવા ઉપરાંત ઘર પર ઈંટના ઘા કર્યા હતા. જેમાં રાજેશભાઈના પત્ની બીનાબેનને ખભ્ભામાં ઈજા થઈ હતી. આ વેળાએ વચ્ચે પડેલા રાજેશભાઈના પુત્ર પુનીત તથા ભાઈ વિમલને પણ ગાળો ભાંડી હીરેને ફડાકા ઝીક્યા હતા. સિટી એ ડિવિઝનમાં પુનીતભાઈ કનખરાએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
