Author: નોબત સમાચાર
સરકારી નોકરીના નામે દેશવ્યાપી કૌભાંડઃ ઈડીના રાજકોટ સહિત ૧૫ શહેરોમાં દરોડા
સંગઠિત ગેંગ દ્વારા ૪૦ સરકારી વિભાગો-રેલવે તથા સુરક્ષાદળોમાં નોકરીના નકલી કોલ લેટર મોકલીને ઠગાઈઃ વિશ્વાસ સંપાદન કરવા પ્રારંભિક પગાર પણ ચુકવતા !
નવી દિલ્હી તા. ૮ઃ સરકારના વિવિધ વિભાગો અને રેલવે સુરક્ષાદળોમાં સરકારી નોકરીના નામે મોટું કૌભાંડ ઝડપાયુ છે, જેના સંદર્ભે ગુજરાત સહિત ૬ રાજ્યોમાં ઈડીએ દરોડા પાડયા છે, અને તપાસનો ધમધમાટ ચાલી રહ્યો છે.
દેશમાં સરકારી નોકરીના નામે ચાલી રહેલા કૌભાંડ મામલે એન્ફોર્સમેન્ટ ડિરેક્ટોરેટે મોટી કાર્યવાહી કરી છે. ઈડીએ આજે સવારથી ગુજરાત સહિત ૬ રાજ્યોના ૧૫ શહેરોમાં દરોડા પાડ્યા છે. ઈડીએ આ દરોડા સરકારી નોકરીઓ આપવાના નામે ચાલી રહેલા કૌભાંડને લઈને પાડ્યા છે. આ હેઠળ એક સંગઠિત ગેંગ સરકારી નોકરીઓ આપવાના નામે લોકો સાથે ઠગાઈ કરતી હતી. તેમના દ્વારા લોકોને નકલી એપોઈન્ટમેન્ટ લેટર અને કોલ લેટર વગેરે જારી કરવામાં આવી રહૃાા હતા.
આ કૌભાંડ ખાસ કરીને ભારતીય રેલવે અને ૪૦ અન્ય સરકારી વિભાગોમાં ભરતીના નામે ચાલી રહૃાું હતું. રેલવે ઉપરાંત ટપાલ વિભાગ, વન વિભાગ, કર વિભાગ, હાઈકોર્ટ, જાહેર બાંધકામ વિભાગ, બિહાર સરકાર, ડીડીએ અને રાજસ્થાન સચિવાલય વગેરેના નામ પર આ ઠગાઈ કરવામાં આવી રહી હતી. આ ગેંગ નકલી ઈમેલ એકાઉન્ટ બનાવીને લોકોને એપોઈન્ટમેન્ટ લેટર મોકલતી હતી. એવા ઈમેલ એડ્રેસ તૈયાર કરવામાં આવતા હતા જેને જોઈને લાગતું હતું કે, ખરેખર કોઈ સરકારી વિભાગ દ્વારા મોકલવામાં આવ્યા છે. એટલું જ નહીં લોકોને વિશ્વાસમાં લેવા માટે આ ફ્રોડ ગેંગે કેટલાક લોકોના ખાતામાં ૨ થી ૩ મહિનાની સેલેરી પણ મોકલી હતી. આ લોકોને આરપીએફ, ટીટીઈમાં નોકરી આપવાની લાલચ આપવામાં આવી હતી. બે થી ત્રણ મહિનાના પગારના નામે તેમને પૈસા પણ ટ્રાન્સફર કરવામાં આવતા હતા. આના નામે તેઓ ઠગાઈ કરતા હતા. રેલવેમાં ટેકનિશિયન જેવી પોસ્ટ પર પણ આ ઠગાઈ કરવામાં આવતી હતી.
હાલમાં ઈડી આ મામલે બિહાર, બંગાળ, યુપી, તમિલનાડુ, ગુજરાત અને કેરળમાં દરોડા પાડી રહી છે. આ ૬ રાજ્યોના કુલ ૧૫ શહેરોમાં ઈડીના દરોડા ચાલુ છે. યુપીના ગોરખપુરમાં ઈડી એ ૨ સ્થળોએ દરોડા પાડ્યા છે. આ ઉપરાંત અલ્હાબાદમાં એક અને લખનઉમાં એક સ્થળે દરોડા ચાલી રહૃાા છે.
બિહારમાં મુઝફ્ફરપુરમાં એક અને મોતીહારીમાં પણ બે સ્થળોએ દરોડા પાડવામાં આવી રહૃાા છે. પશ્ચિમ બંગાળની રાજધાની કોલકાતામાં પણ આ ગેંગના બે ઠેકાણાઓ વિશે માહિતી મળી છે. અહીં દરોડા ચાલી રહૃાા છે. આ ઉપરાંત તમિલનાડુના ચેન્નાઈ અને ગુજરાતના રાજકોટમાં પણ દરોડા ચાલી રહૃાા છે. કેરળના પણ ૪ શહેરોમાં ઈડીએ દરોડા પાડ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
