ભાણવડમાં જિલ્લા સહકારી બેન્કની શાખાના નવા સંકુલનુું પૂર્વમંત્રી મૂળુભાઈ બેરાના હસ્તે ઉદ્ઘાટન

Author: નોબત સમાચાર

ભાણવડમાં જિલ્લા સહકારી બેન્કની શાખાના નવા સંકુલનુું પૂર્વમંત્રી મૂળુભાઈ બેરાના હસ્તે ઉદ્ઘાટન

મૂળ ઈમારત જર્જરિત થતા શાખા ભાડાના મકાનમાં બેસતી હતી

જામનગર તા. ૮ઃ ભાણવડમાં આવેલ જામનગર જિલ્લા સહકારી બેંકની શાખાના બાવન લાખના ખર્ચે તૈયાર થયેલ અધતન બિલ્ડીંગનું કેબિનેટ મંત્રી મુળુભાઈ બેરાએ ઉદ્ઘાટન કર્યું હતું. જેમાં અતિથિ વિશેષ તરીકે બેંકના ચેરમેન જીતેન્દ્રભાઈ લાલ ખાસ ઉપસ્થિત રહ્યા હતાં.

ભાણવડમાં ઘણાં વર્ષો થી જિલ્લા સહકારી બેંક ની શાખા આવેલી છે. થોડા વર્ષો પેલા આ બેંકનું બિલ્ડિંગ જર્જરિત થયેલ હતું. જેના કારણે બેંક ને અન્ય જગ્યાએ ભાડા નાં મકાનમાં ટ્રાન્સફર કરેલ હતી. હાલમાં જે-તે બેંક ની માલિકીની જગ્યાએ નવું બિલ્ડિંગ બની જતા તા.૨ ને શુક્રવારના ગ્રાહકો માટે ખુલ્લુ મુકવામાં આવ્યું છે.

આ પ્રસંગે જિલ્લા બેંકનાં ચેરમેન જીતેન્દ્રભાઈ લાલ દ્વારા બેકનાં ભવિષ્યનાં આયોજન ટેકનોલોજી આધારિત નવીનીકરણ ડીજીટલ સેવાઓ અને તેમનાં કાર્યકાળ દરમ્યાન થયેલ થાપણ વૃદ્ધિ સહિત બેંક દ્વારા થયેલ તમામ સુવિધાઓ અને બેંક વધુ ને વધુ આર્થિક રીતે મજબૂત બંને તે અંગેના તેમના અથાક પ્રયાશો વિશે ઉપસ્થિત સર્વે ને માહિતગાર કર્યા હતાં.

કાર્યક્રમના અધ્યક્ષ પૂર્વ મંત્રી મૂળુભાઈ બેરા એ જણાવેલ કે વડાપ્રધાન નરેન્દ્રભાઈ મોદી તેમજ ગૃહ અને સહકાર મંત્રી અમિતભાઇ શાહ દ્વારા સહકારી સેત્રને વેગ આપવા નવા બનેલા સહકાર મંત્રાલય હેઠળ સમગ્ર ભારત દેશમાં સહકારી સેત્રે અનેકવિધ સુવિધાઓ આપવામાં આવી છે.અને જે ગામમાં સહકારી મંડળી કાર્યરત નથી તે ગામમાં નવી સહકારી મંડળીયો ચાલુ કરી સહકારી સેત્ર નાં માધ્યમ થી ખેડૂતો અને પશુપાલકો ને થતા લાભો અંગે માહિતી આપી હતી. તેમજ જણાવેલ કે જે ગામમાં સહકારી મંડળી કાર્યરત નથી ત્યાં નવી મંડળી બનાવી સહકારી સેત્ર થી થતા લાભ લેવા લોકોને અપીલ કરી હતી.

આ તકે બેંકના ડિરેક્ટર મેરગભાઈ ચાવડા, જયંતીભાઈ નકુમ, પાલિકા પ્રમુખ પ્રિયેશભાઈ, પાલાભાઈ કરમુર, સાજણભાઈ રાવલિયા,જેઠાભાઇ છુછર,રામશીભાઈ મારુ, ગોવિંદભાઇ કનારા, અજયભાઈ કારાવદરા, અલ્પેશભાઈ પાથર, ભાલચંદ્રભાઈ ભટ્ટ, ભાવિનભાઈ ગોરફાળ, મુન્નાભાઈ જોષી, સહિત મંડળીનાં પ્રમુખ/મંત્રી સહિતનાં આગેવાનો, બેંકના ઇન્ચાર્જ જનરલ મેનેજર અલ્પેશભાઈ મોલિયા તેમજ બ્રાન્ચ મેનેજર રાજેશભાઈ પાડલીયા સહિત સમગ્ર સ્ટાફ ઉપસ્થિત રહ્યા હતાં.

કાર્યક્રમનું સંચાલન સી.ઇ.ઓ. ડો.મોનિલભાઈ હાથી દ્વારા કરાયેલ. આભારવિધિ તાલુકા સંઘનાં ચરેમેન હમીરભાઇ કનારા દ્વારા કરવામાં આવી હતી.

જો આપને આ પોસ્ટ ગમી હોય તો શેર કરો...