જામનગરની નવાનગર નેચર કલબ દ્વારા આવતીકાલે હેરીટેઈજ વોક

Author: નોબત સમાચાર

જામનગરની નવાનગર નેચર કલબ દ્વારા આવતીકાલે હેરીટેઈજ વોક

જામનગર તા. ૧૩: જામનગરની નવાનગર નેચર કલબ દ્વારા વિદ્યાસાગર ઈન્ફોટેક કોલેજના વિદ્યાર્થીઓ સાથે આવતીકાલે રવિવારે જામનગર શહેરમાં હેરીટેજ વોકનું આયોજન કરવામાં આવ્યું છે. જેમાં શહેરમાં વિવિધ સ્થળો પર મૂકવામાં આવેલી ભારત દેશના ગૌરવશાળી મહાનુભાવોની પ્રતિમાની સાફસફાઈ તથા ફૂલહાર થકી વંદન સાથે તેઓના અપ્રતિમ યોગદાનને વિનીત ભાવે નમન કરવામાં આવશે.

પછી જે તે સ્થળ પર જે મહાનુભાવોની પ્રતિમા હશે તે વ્યક્તિવિશેષે આપણા રાષ્ટ્ર તેમજ ભારતીય સંસ્કૃતિને આપેલા યોગદાન વિશે શહેરના જાણીતા બુદ્ધિજીવીઓ પોતાના વકતવ્ય દ્વારા લોકો સમક્ષ સામાન્યથી વિશેષ એવી માહિતી ઉજાગર કરશે. આ કાર્યક્રમમાં શહેરના રાજકીય - સામાજિક આગેવાનો તથા પ્રતિષ્ઠિત નાગરિકો ખાસ ઉપસ્થિત રહેશે.

સૌ પ્રથમ આવતીકાલ તા. ૧૪ એપ્રિલ ર૦ર૪ ના સવારે ૭-૩૦ થી ૮-૩૦ દરમિયાન ડીકેવી સર્કલ પાસે આવેલી સ્વામી વિવેકાનંદની પ્રતિમા પાસે કાર્યક્રમ યોજાશે, ત્યારપછી સવારે ૮-૪પ થી ૯-૪પ વાગ્યે ક્રિકેટ બંગલા પાસે આવેલી શ્રી મહારાણા પ્રતાપની પ્રતિમા પાસે ત્યારપછી સવારે ૧૦ થી ૧૧ દરમિયાન રણજીતનગર વિસ્તારમાં આવેલી શ્રી સરદાર વલ્લભભાઈ પટેલ પ્રતિમા પાસે, ત્યારપછી ૧૧.૧પ થી ૧ર.૧પ દરમિયાન રણમલજી (લાખોટા) તળાવની પાસે શ્રી રામ દિગ્વિજયસિંહજી પ્રતિમા પાસે કાર્યક્રમ યોજાશે. તેમજ બપોરે ૧ર.૩૦ થી ૧.૩૦ દરમિયાન હવાઈ ચોક વિસ્તારમાં આવેલી શહીદ ભગતસિંહજી પ્રતિમા પાસે અંતિમ કાર્યક્રમ યોજાશે. જેમાં સર્વે નગરજનોએ જોડાવા અનુરોધ કરવામાં આવ્યો છે.

જો આપને આ પોસ્ટ ગમી હોય તો શેર કરો...