નગરમાં તીનપત્તી રમતા ચાર ઝડપાયા એકીબેકીનો જુગાર રમતા ત્રણ ઝબ્બે

Author: નોબત સમાચાર

નગરમાં તીનપત્તી રમતા ચાર ઝડપાયા એકીબેકીનો જુગાર રમતા ત્રણ ઝબ્બે

ખંભાળિયામાંથી ત્રણ પત્તાપ્રેમી મળી આવ્યાઃ

જામનગર તા. ૧૩: જામનગરના ઠેબા બાયપાસ નજીકની રવિ જ્યોત સોસાયટીમાં ગઈકાલે સાંજે તીનપત્તી રમતા ચારને પોલીસે પકડી પાડ્યા હતા. વહેલી સવારે હવાઈચોકમાં જૂની પોસ્ટ ઓફિસના ઓટલે એકીબેકી બોલતા ત્રણ ઝડપાયા છે. ખંભાળિયાના સંજયનગરમાંથી ત્રણ પત્તાપ્રેમી મળી આવ્યા છે.

જામનગરના કાલાવડ નાકા બહાર આવેલા ઠેબા બાયપાસ તરફના માર્ગ પર રવિ જ્યોત સોસાયટી પાછળ ગઈકાલે સાંજે જાહેરમાં જુગાર રમાતો હોવાની બાતમી પરથી દરબારગઢ પોલીસચોકીના સ્ટાફે દરોડો પાડયો હતો.

તે સ્થળે ગંજીપાના વડે જુગાર રમતા કાપડી નથુભાઈ બહાદુરભાઈ, મુસા હુસેનભાઈ કુરેશી, દુદાભાઈ ઈશાભાઈ પરમાર, ગુલાબ નથુભાઈ પરમાર નામના ચાર શખ્સ મળી આવ્યા હતા. પોલીસે પટમાંથી રૃા.૧૦,૯૨૦ રોકડા કબજે કરી ગુન્હો નોંધ્યો છે.

જામનગરના હવાઈચોક વિસ્તારમાં જૂની પોસ્ટ ઓફિસના ઓટલા પર ગઈરાત્રે ચલણી નોટના નંબર પર એકીબેકી બોલી જુગાર રમતા હિતેશ જગદીશભાઈ દુલાણી ઉર્ફે સાંઈ, પ્રફુલ પ્રેમજીભાઈ દામા, અમિત શંકરલાલ દામા નામના ત્રણ શખ્સને પોલીસે પકડી લીધા હતા. રૃા.૧૦૭૨૦ રોકડા ઝબ્બે લેવાયા છે.

ખંભાળિયા શહેરમાં સંજય નગર પાસે ગઈકાલે સાંજે જાહેરમાં તીનપત્તી રમતા ધનજીભાઈ રાજાભાઈ વઘોરા, કારાભાઈ દેરાજભાઈ થારૂ, રાજેશ સામતભાઈ સંજોટ નામના ત્રણ શખ્સને પોલીસે પકડી લઈ પટમાંથી રૃા.૩૭૬૦ કબજે લીધા છે.

જો આપને આ પોસ્ટ ગમી હોય તો શેર કરો...