ભીમવાસ પાસે બાઈક ટકરાતા વાહન પરથી પછડાયેલા પ્રૌઢને થયું હેમરેજ

Author: નોબત સમાચાર

ભીમવાસ પાસે બાઈક ટકરાતા વાહન પરથી પછડાયેલા પ્રૌઢને થયું હેમરેજ

મોટી ખાવડી પાસે ટેન્કરે સર્જયો અકસ્માતઃ

જામનગર તા. ૧૩: જામનગરના જૂના રેલવે સ્ટેશન પાસે બે મિત્રોના બાઈક સાથે અન્ય બાઈક ટકરાઈ પડતા એક પ્રૌઢને હેમરેજ થઈ ગયું છે. જ્યારે મોટી ખાવડી પાસે એક પ્રૌઢને ટેન્કરે ઠોકર મારી અકસ્માત નિપજાવ્યો છે. અકસ્માતમાં ઈજા પામેલા પ્રૌઢના પુત્રએ પોલીસમાં ફરિયાદ નોંધાવી છે.

જામનગરના પટેલ કોલોની વિસ્તારની શેરી નં.૧૦માં રહેતા કમલેશભાઈ પ્રભુદાસ તન્ના અને તેમના મિત્ર કરીમભાઈ નોબે ગઈ તા.૨૬ની સાંજે જૂના રેલવે સ્ટેશન પાસે ભીમવાસ નજીકથી બાઈકમાં જતા હતા ત્યારે જીજે-૧૦-ડીએમ ૫૮૮૩ નંબરના મોટર સાયકલના ચાલકે તેઓને ઠોકર મારતા કમલેશભાઈ અને કરીમભાઈ રોડ પર પડી ગયા હતા. આ અકસ્માતમાં કરીમભાઈને હેમરેજ થઈ ગયું છે. કમલેશભાઈએ ૫૮૮૩ નંબરના બાઈકચાલક સામે ફરિયાદ નોંધાવી છે.

જામનગર તાલુકાના મોટી ખાવડી ગામના નરેન્દ્રભાઈ જોષી નામના પ્રૌઢ ગઈ તા.૨૧ની બપોરે જામનગર તરફ આવવા માટે નીકળ્યા હતા ત્યારે એલેન્ટો હોટલ સામે જીજે-૧૦-ટીએક્સ ૬૭૬ર નંબરના ટેન્કરે ઠોકર મારી પછાડતા કપાળ સહિતના શરીરના અન્ય ભાગોમાં ઈજા પામેલા નરેન્દ્રભાઈને સારવારમાં ખસેડવામાં આવ્યા છે. તેમના પુત્ર બાદલભાઈએ મેઘપર પોલીસ સ્ટેશનમાં ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...