Author: નોબત સમાચાર
ભાણવડના ટીંબડી ગામની સીમમાં ત્યજી દેવાયેલા નવજાત શિશુનું મૃત્યુ
જામનગર તા. ૨૦: ભાણવડના ટીંબડી ગામની સીમમાં આવેલા એક ખેતર પાસેથી ગઈકાલે તાજુ જ જન્મેલું એક બાળક (સ્ત્રી) મળી આવ્યું છે. કોઈ કઠોર માતાએ તેને જન્મ આપ્યા પછી ત્યજી દીધુ હતું અને ત્યાં રખડતા કૂતરાઓએ આ બાળકને બચકા ભરી લીધા હતા. નવજાત શિશુનું મૃત્યુ નિપજ્યું હતું. પોલીસે તેને ત્યજી દેનાર સ્ત્રી સામે ગુન્હો નોંધી તપાસ હાથ ધરી છે. દેવભૂમિ દ્વારકા જિલ્લાના ભાણવડ તાલુકાના ટીંબડી ગામની સીમમાં એક ખેતર નજીક તાજા જ જન્મેલા એક બાળકના મૃતદેહને કૂતરા ચુંથતા હોવાનું કોઈએ જોયા પછી પોલીસને જાણ કરતા ભાણવડ પોલીસ સ્ટેશનનો સ્ટાફ દોડી આવ્યો હતો. કોઈ અજાણી મહિલાએ બાળકને જન્મ આપ્યા પછી તેને ત્યાં રેઢુ મૂકી દીધુ હતું. તે બાળકને કૂતરાઓએ શરીરના અલગ અલગ ભાગોમાં બચકા ભરી લીધાનું જણાઈ આવ્યું હતું. ભાણવડના પીએસઆઈ એલ.આર. સવસેટાએ મૃતદેહનો કબજો સંભાળી તેને પી.એમ. માટે ખસેડ્યો છે. ટીંબડી ગામના અરજણભાઈ ગળચરનું પોલીસે નિવેદન નોંધ્યું છે. બાળક (સ્ત્રી)ને જન્મ આપ્યા પછી તેને ત્યાં ત્યજી દેનાર માતા સાથે આઈપીસી ૩૧૮ હેઠળ ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
