Author: નોબત સમાચાર
જામનગર-રાજકોટના બે શખ્સે ભાડે મેળવેલી મોંઘીદાટ મોટરો બારોબાર વેચી
૩૫ મોટર રાજકોટ પોલીસે કરી લીધી કબજેઃ
જામનગર તા. ૨૦: જામનગરના એક તથા રાજકોટના બીજા શખ્સે ટ્રાવેલ્સના ધંધાર્થીઓ પાસેથી મોંઘીદાટ મોટરો જુદા જુદા સમયે ભાડે મેળવી તેને બારોબાર વેચી નાખ્યાનું કૌભાંડ પોલીસે પકડી પાડ્યું છે. રાજકોટ પોલીસે બંને આરોપીના સગડ દબાવ્યા છે. આ શખ્સોએ વેચેલી ૩૫ મોટર કબજે કરી લેવાઈ છે.
રાજકોટ શહેરમાં કાર ભાડે આપવાનો વ્યવસાય કરતા ટ્રાવેલ્સના કેટલાક ધંધાર્થીઓ પાસેથી જુદા જુદા સમયે મોટર ભાડે મેળવ્યા પછી ૩૫થી વધુ મોટરને ભાડે લઈ જઈ બે શખ્સે તેનું બારોબાર વેચાણ કરી નાખ્યાનું કૌભાંડ પ્રકાશમાં આવ્યું છે. પોલીસે જામનગરના બિલાલશા શાહમદાર તથા રાજકોટના આકાશ પટેલ નામના બે શખ્સની શોધ હાથ ધરી ૩૫ મોટર કબજે લીધી છે.
આ શખ્સો ટ્રાવેલ્સના ધંધાર્થીઓ પાસેથી મોટર ભાડે મેળવ્યા પછી શરૂઆતના દિવસોમાં ભાડુ ચૂકવી વિશ્વાસ સંપાદન કરતા હતા. તે પછી ભાડે લઈ જવાયેલી મોટરને ઓળવી જતા હતા.
તે દરમિયાન રાજકોટના એક વેપારીની રૂા.૨૦ લાખની કિંમતની સ્કોર્પિયો આ શખ્સોએ ભાડે મેળવ્યા પછી ઓળવી લીધાની પોલીસમાં ફરિયાદ કરાઈ હતી. રાજકોટ ક્રાઈમ બ્રાંચે તેની તપાસ આરંભી હતી. જેમાં જામનગરના બિલાલશા તથા રાજકોટના આકાશ પટેલે આવી રીતે મોંઘીદાટ મોટરોને ભાડે મેળવ્યા પછી તેને જુદા જુદા સ્થળે વેચી નાખ્યાનું ખૂલ્યું હતું.
આ શખ્સોની શોધ હાથ ધરાઈ છે. પોલીસે અત્યાર સુધીમાં ૩૫ મોટર કબજે કરી લીધી છે. બંને શખ્સના આશ્રય સ્થાનો પર પોલીસે દરોડા પાડવાનું શરૂ કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
