Author: નોબત સમાચાર
બર્ધનચોકમાં લપાતો છૂપાતો શખ્સ ઝડપાયો
છરી, લાકડી, ધોકા સાથે ત્રણ શખ્સ પકડાયાઃ
જામનગર તા. ૨૦: જામનગરના બર્ધનચોક વિસ્તારમાંથી રાત્રે છૂપાતી હાલતમાં જતાં એક શખ્સને પોલીસે દબોચી લીધો છે. જ્યારે બે શખ્સ લાકડી-ધોકા સાથે, એક શખ્સ છરી સાથે મળી આવ્યો છે.
જામનગરના બર્ધનચોક વિસ્તારમાં ગઈરાત્રે એકાદ વાગ્યે એક શખ્સ લ૫ાતો છૂપાતો જોવા મળતા પેટ્રોલિંગમાં રહેલા સિટી-એ ડિવિઝનના સર્વેલન્સ સ્ટાફે તેને રોકી લીધો હતો. ખેતીવાડી ફાર્મ પાસે સિદ્ધાર્થનગરમાં રહેતા સંદીપ સીતારામ શિંદે નામના આ શખ્સની જીપી એક્ટ કલમ ૧૨૨ સી હેઠળ અટકાયત કરાઈ છે.
જામનગરની હનુમાન ગેઈટ પોલીસચોકી પાસેથી રણજીત નગરમાં રહેતો કેવલ નરેન્દ્રભાઈ ભાલાળા નામનો શખ્સ પોતાના જીજે-૧૦-એજે ૧૮૮૨ નંબરના સ્કૂટરમાં આરસમાંથી બનાવેલી લાકડી સાથે જતો હતો ત્યારે પોલીસે તેને પકડી લઈ હથિયારધારા ભંગનો ગુન્હો નોંધ્યો છે.
જામનગરના વાઘેરવાડા વિસ્તારમાં રહેતો અંકિત મહેશભાઈ ચૌહાણ નામનો શખ્સ ગુરૂવારની રાત્રે હાર્મોની હોટલ પાસેથી પોલીસે પકડી પાડી પૂછપરછ હાથ ધરી છે.
કાલાવડ શહેરમાં જેપીએસ સ્કૂલ પાસે પુલ નજીકથી જઈ રહેલા ગિરીશ રવજીભાઈ ધંધુકીયા નામના શખ્સને ધોકા સાથે પકડી પાડી પોલીસે હથિયારધારા ભંગની કાર્યવાહી કરી છે.
જામનગરના દિગ્જામ સર્કલ પાસેથી ગઈરાત્રે છરી સાથે જઈ રહેલા ગોકુલનગર પાણાખાણના અશ્વિન મેઘાભાઈ વારંગીયાની પોલીસે અટકાયત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
