જામનગરમાં આવતીકાલે ઉજવાશે ભગવાન મહાવીર સ્વામીનું જન્મકલ્યાણકઃ રથયાત્રા નીકળશે

Author: નોબત સમાચાર

જામનગરમાં આવતીકાલે ઉજવાશે ભગવાન મહાવીર સ્વામીનું જન્મકલ્યાણકઃ રથયાત્રા નીકળશે

તમામ જૈન સમુદાયના લોકોને વરઘોડામાં જોડાવા અપીલ

જામનગર તા. ર૦ : આવતીકાલ તા. ર૧ના ભગવાન મહાવીર સ્વામીના ર૬રરમા જન્મ દિવસ નિમિત્તે જામનગરમાં જૈન સમાજ દ્વારા ઉજવણી કરવામાં આવશે.

જગત શહેર મહારાજની આગેવાનીમાં પત્રકારોને ઉજવણી અંગે માહિતી આપવામાં આવી હતી જેમાં રથયાત્રા યોજવામાં આવનાર છે. આ વરઘોડામાં વિવિધતા જોવા મળશે.

જામનગરના તમામ જૈન સમુદાયના લોકોને આ વરઘોડામાં જોડાવવા અપીલ કરવામાં આવી છે.

વિશા શ્રીમાળી પ્રમુખ ભરતભાઈ વસા, પેલેસ જૈન સંઘના મહેશભાઈ મહેતા, સમસ્ત જૈન સમાજના વિજયભાઈ શેઠ, દેવબાગ જૈન સંઘના નિલેષભાઈ શાહ, જૈન અગ્રણી ભરતભાઈ પટેલ, સમસ્ત જૈન યુવા સંગઠનના પ્રમુખ નિલેષ કગથરા, હાલારી વિશા શ્રીમાળી સ્થાનકવાસી ગામડાવારાના પ્રમુખ રાજુભાઈ શાહ વગેરે આ વિગતો આપતા સમયે ઉપસ્થિત રહ્યા હતાં.

આ રથયાત્રા ચાંદી બજારથી પ્રસ્થાન થશે અને પારસધામ, બેડી ગેઈટ, ટાઉનહોલ, લાલ બંગલો, જી.જી. હોસ્પિટલ, ડીકેવી સર્કલ થઈ પેલેસ દેરાસર મહાવીર સ્વામી જીનાલયે પૂર્ણ થશે.

સવારે ૬-૩૦ કલાકથી શરૂ થઈ શ્રી પેલેસ જૈન સંઘમાં ઉતરશે આ પછી જન્મ કલ્યાણકનું સંવદન કરાવતી જીનવાણી રથયાત્રામાં જોડાયેલ તમામને નવકાશીનો લાભ આપવામાં આવશે. આ રથયાત્રાના મુખ્ય આક્રર્ષણો ૧૩ ફૂટનો માનવ, નવપદના અલગ વર્ણધારી બાઈક સ્વારો, રોડ પર ચાલતું એરોપ્લેન, લાઈવ રંગોળી વગેરેનો સમાવેશ થાય છે.

જો આપને આ પોસ્ટ ગમી હોય તો શેર કરો...