ચિલ્ડ્રન હોમ ફોર ગર્લ્સ વિભાગના છાત્રાલયના નવીનીકરણનો લોકાર્પણ કાર્યક્રમ યોજાયો

Author: નોબત સમાચાર

ચિલ્ડ્રન હોમ ફોર ગર્લ્સ વિભાગના છાત્રાલયના નવીનીકરણનો લોકાર્પણ કાર્યક્રમ યોજાયો

શ્રી કસ્તુરબા સ્ત્રી વિકાસ ગૃહ જામનગર સંચાલિત

જામનગર તા. ૨૧: શ્રી કસ્તુરબા સ્ત્રી વિકાસ ગૃહમાં તાજેતરમાં ટ્રસ્ટી મંડળના અધ્યક્ષ દીનાબેન મેહતા, કા. વા. સમિતિના પ્રમુખ અને મેને. ટ્રસ્ટી કરશનભાઈ ડાંગર ના સાન્નિધ્ય માં આયોજિત કરવામાં આવ્યો. આ પ્રસંગે ભવન નવીનીકરણના દાતા જયદેવભાઈ સંઘવી અને અમીબેન સંઘવી (આરવી એનકોન લિ. મુંબઈ) ની વિશેષ ઉપસ્થિતિમાં અને સૌ મહેમાનોના વરદ્ હસ્તે દીપ પ્રાગટ્ય કરી, આધુનિક સુવિધાઓથી સજ્જભવનનું લોકાર્પણ કરવામાં આવ્યું હતું.

કાર્યક્રમમાં ઉપસ્થિત મહેમાનોનું શાબ્દિક સ્વાગત અને પ્રાસંગિક ઉદ્બોધન પ્રમુખ કરશનભાઈ ડાંગરએ કર્યું હતું.

આ પ્રસંગે વિભાગ ના અન્ય દાતા રામાણી (એસબીઆઈના રિજિયોનલ મેનેજર), ઠાકુર (આઈઓસી જામનગર), સાબુ, કીર્તિભાઈ ફોફરિયાનું સન્માન કરવામાં આવ્યું, સાથે સાથે, જામનગર જિલ્લા ગ્રાન્ટેડ શાળા સંચાલક મંડળના નવ નિયુક્ત પ્રમુખ દીપકભાઈ ઠક્કર, મંત્રી જતીનભાઈ શાહ, ઉપપ્રમુખ દિલીપભાઈ આશર, કિશોરભાઈ, કાનાણી, ભંડેરીનું સન્માન કરવામાં આવ્યું.

આ પ્રસંગે ઉપસ્થિત સીડબલ્યુસી જામનગરના ચેરમેન ભાવિનભાઈ ભોજાણી તથા સભ્યઓનું સન્માન કરવામાં આવ્યું. કાર્યક્રમના અધ્યક્ષ દીનાબેન મેહતા અને દાતા શ્રી જયદેવભાઈ સંઘવી અને દીપકભાઈ ઠક્કરે પ્રતિભાવો વ્યક્ત કરી આનંદ વ્યક્ત કર્યો હતો. ટ્રસ્ટી મંડળના અધ્યક્ષ દીનાબેન મેહતાનું શેર સ્ટોક એક્સચેન્જ મુંબઈ દ્વારા અપાયેલ લાઇફ ટાઈમ એચિવમેન્ટ એવોર્ડ બદલ સમગ્ર વિકાસ ગૃહ પરિવાર વતી વિશિષ્ટ સન્માન કરવામાં આવ્યું હતું. આ પ્રસંગે સંસ્થાની દીકરીઓ દ્વારા વિવિધ સાંસ્કૃતિક કૃતિઓ રજૂ કરવામાં આવી હતી. સૌ દાતા, કા.વા. સમિતિના સભ્યો, વિભાગીય વડાઓ, વાલીઓ તેમજ સંસ્થાની દીકરીઓ અને વિદ્યાર્થિનીઓ મોટી સંખ્યામાં ઉપસ્થિત રહૃાાં હતાં. કાર્યક્રમનું સંચાલન કાર્યાલય મંત્રી પાર્થ પંડ્યાએ કર્યું હતું.

જો આપને આ પોસ્ટ ગમી હોય તો શેર કરો...