જામનગર ચેમ્બર ઓફ કોમર્સ એન્ડ ઈન્ડ.દ્વારા ઓપન હાઉસ બેઠક

Author: નોબત સમાચાર

જામનગર ચેમ્બર ઓફ કોમર્સ એન્ડ ઈન્ડ.દ્વારા ઓપન હાઉસ બેઠક

પ્રદુષણ નિયંત્રણ બોર્ડના નીયમોની જાણકારી મળી રહે તે હેતુથી

જામનગર તા. ૨૧: જામનગર ચેમ્બર ઓફ કોમર્સ એન્ડ ઈન્ડસ્ટ્રી તથા ગુજરાત પ્રદુષણ નિયંત્રણ બોર્ડ, જામનગરના સંયુક્ત ઉપક્રમે એક ઓપન હાઉસ બેઠકનું આયોજન કરવામાં આવ્યું હતું. બેઠકની શરૂઆતમાં ચેમ્બર પ્રમુખ બિપેન્દ્રસિંહ સી. જાડેજાએ ઉપસ્થિતોનું સ્વાગત કરી આ ઓપન હાઉસ બેઠકમાં જીઆઈડીસીમાં નવા ઉદ્યોગકારોને કઈ રીતે અરજી કરવી તથા પ્રદુષણ નિયંત્રણ બોર્ડના નિયમોની જાણકારી મળી રહે તે હેતુથી આ બેઠક યોજવામાં આવી હતી. આ બેઠકમાં ગુજરાત પ્રદુષણ નિયુત્રણ બોર્ડ, જામનગરના પ્રાદેશિક અધિકારી જી.બી. ભટ્ટ તથા અન્ય અધિકારીઓ ઉપસ્થિત રહ્યાં હતાં. આ તકે ચેમ્બર પ્રમુખ જી.બી. ભટ્ટનું પુષ્પગુચ્છથી સન્માન કરવામાં આવ્યું હતું.

ગુજરાત પ્રદુષણ નિયંત્રણ બોર્ડ, જામનગરના પ્રાદેશિક અધિકારી જી.બી. ભટ્ટે પાવર પોઈન્ટ પ્રેઝન્ટેશન દ્વારા કન્સેન્ટ ટુ એસ્ટાબ્લિસ અને કન્સોલિડેટેડ કન્સેન્ટ અને ઓથોરાઈઝેશન (સીસીએ) ની અરજી કરવા માટેની માર્ગદર્શિકા વિષે માહિતી આપી હતી. વધુમાં અરજી કરવા માટે ઉદ્યોગકારોએ પ્લાન નકશો કઈ રીતે રજૂ કરવા, શહેરી વિસ્તાર માટેનું અલગ અરજી ફોર્મ, નાના ઉદ્યોગકારો કે જેઓ ભાડે એકમો ચલાવતા હોય તેઓને મંજૂરી મેળવવા થતી મુશ્કેલી બાબત ચર્ચા કરવામાં આવી હતી. તેમજ ઉદ્યોગકારો દ્વારા તેમના એકમોમાંથી નીકળતા એસિડિક પાણીના યોગ્ય નિકાલ માટે યોગ્ય કાર્યવાહી કરવામાં ન આવતી હોય તો તેમની સામે પગલા લેવા પડતાં હોય છે. આથી પાણી શુદ્ધિની પ્રક્રિયા દરમિયાન જો ક્રોમ તથા નિકલના પાણીને અલગ-અલગ કરવામાં આવે તો અથવા કોઈ અલગ પ્રક્રિયાથી તેનો નિકાલ કરવામાં આવે તેમજ ઈ-વેસ્ટને પણ સેગ્રીગ્રેટ કરવામાં આવે તો પ્રદુષણનો પ્રશ્ન ઘટે અને ઉદ્યોગોને ફાયદો થશે તેમ જણાવ્યું હતું.

આ કાર્યક્રમમાં ચેમ્બર સંલગ્ન ઓધ્યોગિક એસોસિએશનના હોદ્દેદારો, ચેમ્બરની ઉદ્યોગ-ઉર્જા પેનલના ચેરમેન, સભ્યો તથા ચેમ્બરના કારોબારી સમિતિના સભ્યો ઉપસ્થિત રહ્યાં હતાં. સમગ્ર કાર્યક્રમનું સંચાલન ચેમ્બરના માનદ્ મંત્રી અક્ષતભાઈ વ્યાસે તથા કાર્યક્રમના અંતે આભારદર્શન ચેમ્બરના ઉપપ્રમુખ રમણીકભાઈ પી. અકબરીએ કર્યુ હતું.

જો આપને આ પોસ્ટ ગમી હોય તો શેર કરો...