Author: નોબત સમાચાર
દ્વારકામાં સમસ્ત ક્ષત્રિય વાઘેર સમાજના ર૩ મા સમૂહ લગ્નોત્સવનું ભવ્ય આયોજન
સ્વ. વિરમભા આશાભા માણેક પરિવાર દ્વારા
દ્વારકા તા. ૧ઃ યાત્રાધામ દ્વારકામાં તા. ૦૩-૦૩-ર૦ર૪ ને રવિવારના સમસ્ત ક્ષત્રિય વાઘેર સમાજના ર૩ મા લગ્નોત્સવનું ભવ્ય આયોજન ઓખામંડળના ભામાશા સ્વ. વિરમભા આશાભા માણેક પરિવાર દ્વારા દ્વારકા-નાગેશ્વર રોડ પર આવેલ ગૌશાળામાં કરવામાં આવ્યું છે. જેમાં ૧રર નવદંપતીઓ પ્રભૂતામાં પગલાં માંડશે.
સમૂહલગ્નના મુખ્ય અતિથિ તરીકે હાલારના સાંસદ પૂનમબેન માડમ ઉપસ્થિત રહેશે. આ ઉપરાંત સમૂહલગ્નોત્સવમાં નવદંપતીઓને આશીર્વચન પાઠવવા સંતો-મહંતો ખાસ ઉપસ્થિત રહેશે, જેમાં શારદાપીઠના નારાયણાનંદ બ્રહ્મચારીજી મહારાજ, સનાતન સેવા મંડળના કેશવાનંદજી, દયારામબાપા આશ્રમના મહંતબાપુ, ભારત સેવાશ્રમ સંઘના શ્યામાનંદજી, સ્વામિનારાયણ ભક્તિધામના ચંદ્રપ્રસાદદાસ, મંગલ આશ્રમ દ્વારકાના જીવણનાથબાપુ, દ્વારકા સ્વામિનારાયણ આશ્રમના ગોવિંદપ્રસાદદાસજી, જગન્નાથ મંદિર સુવાર્ણના મહંત હનુમાનપ્રસાદજી, સ્વામિનારાયણ મંદિરના શાસ્ત્રી સ્વામી શ્રી માધવસ્વરૂપદાસ સહિતના સંતો ઉપરાંત વિશેષ આમંત્રિત મહેમાનો ઉપસ્થિત રહેશે.
સમૂહ લગ્નોત્સવના અનેરા અવસરનો લાભ લેવા દ્વારકા વિસ્તારના ધારાસભ્ય તથા ઓલ ઈન્ડિયા સમસ્ત ક્ષત્રિય વાઘેર સમાજના પ્રમુખ પબુભા માણેક દ્વારા નિમંત્રણ પાઠવવામાં આવ્યું છે. ઉપરાંત શનિવારે સાધુ સમાજ તથા ખારવા સમાજ તેમજ રવિવારે વણકર સમાજના સમૂહલગ્નોત્સવ પણ વિરમભા આશાભા માણેક પરિવારના યજમાનપદે યોજાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
