Author: નોબત સમાચાર
જામનગર મહાનગરપાલિકામાં ઈજનેરો, કોમ્પ્યુટર ઓપરેટર, જુ.ક્લાર્કની ભરતી પ્રક્રિયા રદ્ કરાઈ
અચાનક જ રહસ્યમય રીતે મ્યુનિ. કમિશનરે લીધો નિર્ણયઃ
જામનગર તા. રઃ જામનગર મહાનગર પાલિકામાં અધિકારી, કર્મચારીની ઘટ હોવાથી વહીવટ પર અસર જોવા મળે છે, જ્યારે ઈજનેરની ભરતી માટે જાહેરાત આપ્યા પછી મ્યુનિ. કમિશનરે એકાએક ભરતી રદ્ કરી છે. આથી અનેક તર્ક-વિતર્કો થઈ રહ્યા છે. ટેકનિકલ કારણોસર ભરતી રદ્ કરવામાં આવી હોવાનું જાહેર કરવામાં આવ્યું, પરંતુ ટેકનિકલ કારણ શું? એ અંગે કોઈ ખુલાસો કરવામાં આવ્યો નથી.
સિવિલ, મિકેનિકલ અને ઈલેક્ટ્રીક એન્જિનિયરોની ૭પ જગ્યા માટે અને કોમ્પ્યુટર ઓપરેટર તથા જુનિયર ક્લાર્કની ૬૭ જગ્યા માટે ભરતી કાર્યક્રમ જાહેર કરવામાં આવ્યો હતો, અને આ માટે અરજીઓ પણ મંગાવવામાં આવી હતી, જેની શરૃઆત તા. ૧ જુલાઈથી થનાર હતી. ત્યારે જ મ્યુનિ. કમિશનરે ટેકનિકલ કારણોસર ભરતી રદ્ કરવાની જાહેરાત કરી હતી. આમ શંકાસ્પદ રીતે ભરતી રદ્ કરવામાં આવતા અનેક ચર્ચાએ જોર પકડ્યું છે.
હવે એવું જાહેર થયું કે કેટલીક ખામી રહી જવા પામી હતી તેને દૂર કર્યા પછી નવો ભરતી કાર્યક્રમ જાહેર કરવામાં આવશે, પરંતુ હાલ ટેકનિકલ કારણોસર રદ્ થયેલી ભરતીમાં ટેકનિકલનો અર્થ શું તે અંગે ચર્ચા જાગી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
