Author: નોબત સમાચાર
દાંતા પ્રા. શાળાના બાળકોને શૈક્ષણિક કીટ આપી શાળા પ્રવેશોત્સવનો પ્રારંભ
કલેકટર જી.ટી.પંડ્યા દ્વારા
ખંભાળીયા તા. ૨: દેવભૂમિ દ્વારકા જિલ્લામાં કલેકટર જી.ટી. પંડ્યાએ જામ ખંભાળીયા તાલુકાના દાંતામાં કન્યા કેળવણી મહોત્સવ અને શાળા પ્રવેશોત્સવનો શુભારંભ કરાવ્યો હતો.
કલેકટરએ સરકાર દ્વારા બાળકોના શિક્ષણને પ્રોત્સાહન આપવા માટે અમલીકૃત અનેકવિધ સરકારી યોજનાઓનો લાભ લેવા શિક્ષકો તથા ગ્રામજનોને અનુરોધ કર્યો હતો. વધુમાં તેઓએ વિદ્યાર્થીઓના હિત માટે ચિંતિત દાતાઓ તેમજ સીએસઆર અંતર્ગત ફાળો આપતી કંપનીઓનો તેમના યોગદાન માટે જિલ્લા વહીવટી તંત્ર વતી આભાર માન્યો હતો.
દાંતા પ્રાથમિક શાળા તથા ધરમપુર વાડી શાળામાં કન્યા કેળવણી મહોત્સવ અને શાળા પ્રવેશોત્સવ અંતર્ગત આંગણવાડીમાં ૦૩, બાલવાટિકા ર૯ તથા ધોરણ ૦૧ માં ર૩ બાળકોને મહાનુભાવોએ શૈક્ષણિક કીટ આપી પ્રવેશ અપાવ્યો હતો.
સમગ્ર કાર્યક્રમનું સંચાલન શાળાની વિદ્યાર્થીનીઓ દ્વારા કરવામાં આવ્યું હતું. દીપ પ્રાગટ્ય અને પ્રભુ પ્રાર્થના દ્વારા કાર્યક્રમની શરૃઆત કરવામાં આવી હતી. આ પ્રસંગે ખંભાળીયાના મામલતદાર વી.કે. વરૃ, દાંતા પ્રાથમિક શાળા, આચાર્ય રવિભાઈ, ગામ અગ્રણી જશવંતસિંહ, રાજુભાઈ સહિત શિક્ષકો, વિદ્યાર્થીઓ તેમજ વાલીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
