Author: નોબત સમાચાર
નાઘેડીની શ્રેયસ હાઈસ્કૂલમાં યોજાયો શાળા પ્રવેશોત્સવ કાર્યક્રમઃ બાળકોને શૈક્ષણિક કીટ
જિલ્લા પોલીસ અધિક્ષક ઉપસ્થિતિમાં આયોજનઃ
જામનગર તા. ૨: તાજેતરમાં શાળા પ્રવેશોત્સવ તથા કન્યા કેળવણી મહોત્સવ અન્વયે નાઘેડી ગામમાં આવેલ શ્રેયસ કેળવણી મંડળ સંચાલિત શ્રેયસ હાઈસ્કૂલમાં આંગણવાડી, બાલવાટીકા, ધોરણ ૧, ૯ અને ૧૧ ના બાળકોને પ્રવેશ આપવાનો કાર્યક્રમ જામનગર જિલ્લા પોલીસ અધિક્ષક પ્રેમસુખ ડેલુ તથા બંદર વિભાગ જી.એમ.બી.ના વડા પ્રિયંકભાઈ પટેલના અધ્યક્ષ સ્થાને નાઘેડી કન્યા તાલુકા શાળા, કુમાર તાલુકા શાળા, ખાણ શાળા તથા શ્રેયસ હાઈસ્કૂલના સંયુકત ઉપક્રમે યોજવામાં આવ્યો હતો.
આ કાર્યક્રમમાં શ્રેયસ કેળવણી મંડળના પ્રમુખ વિરમભાઈ બી. વકાતર, તાલુકા પંચાયતના સભ્ય લીંબાભાઈ ગમારા, નાઘેડી ગામના સરપંચ સુરેશભાઈ બાંભવા તેમજ રોટરી કલબ છોટીકાશીના દાતા પરિવારના સભ્યો ઉપસ્થિત રહ્યા હતાં અને તેઓએ બાળકોને પ્રવેશ અપાવી કાર્યક્રમમાં અભિવૃદ્ધિ કરી હતી અને રોટરી કલબ છોટીકાશી દ્વારા કીટ આપી બાળકોને પ્રોત્સાહિત કર્યા હતાં.
આ કાર્યક્રમમાં વિશિષ્ટ સિદ્ધિ મેળવનાર બાળકોને ઈનામ આપી સન્માનિત કરવામાં આવ્યા હતાં. પ્રસંગોચિત ઉદ્દબોધન સર્વ પ્રેમસુખ ડેલુ, ચંદ્રવાડીયાભાઈ, વકાતરભાઈએ કર્યું હતું. અંતમાં શાળાના આચાર્ય દિપેશભાઈ મહેતા દ્વારા આભારવિધિ કરવામાં આવી હતી. કાર્યક્રમને સફળ બનાવવા નાઘેડી કન્યા શાળા, કુમાર શાળા તથા ખાણ શાળાના આચાર્યો તથા સ્ટાફે જહેમત ઉઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
