Author: નોબત સમાચાર
બેડની નદીમાં બાઈક સાથે ઝંપલાવનાર નગરના યુવાનનંુ ડૂબી જતા નિપજ્યું મૃત્યુ
પિતાના ઠપકાથી પગલું ભર્યાની મળી કેફિયતઃ
જામનગર તા. ૭ઃ જામનગરના બેડ ગામ પાસે વહેતી નદીમાં ગઈકાલે એક યુવાને બાઈક સાથે ઝંપલાવ્યું હતું. દોડી આવેલી ફાયરબ્રિગેડે તે યુવાનને બહાર કાઢ્યા તે પહેલાં તેનું વધુ પડતું પાણી પી જવાથી મૃત્યુ થયું હતું. મૃતકના મોટાભાઈએ જણાવ્યા મુજબ આ યુવાને પિતાના ઠપકાથી આત્મહત્યા કરી લીધી છે.
જામનગર-ખંભાળિયા માર્ગ પર આવેલા બેડ ગામ પાસેથી વહેતા સસોઈ નદીના ઓવરફલોના પાણીમાં ગઈકાલે એક યુવાન બાઈક સાથે તણાયો હોવાની જાણકારી આપવામાં આવતા ફાયર બ્રિગેડની ટીમ અને સિક્કાથી પોલીસ કાફલો દોડ્યા હતા.
નદીના ધસમસતા પ્રવાહમાં ઉતરેલી ફાયરની ટીમે તે યુવાનને પાણીના વહેણમાંથી શોધી કાઢી બહાર લાવ્યા હતા. આ યુવાન જામનગરમાં તિરૂપતિ સોસાયટીમાં રહેતા મિલન હેમતભાઈ રાવત હોવાનું ખૂલ્યું હતું. તેના પરિવારને જાણ કરાતા દોડી આવેલા તેના મોટાભાઈએ મૃતદેહને ઓળખી બતાવ્યો હતો. આ યુવાન પિતાના ઠપકાથી માઠું લગાડી ઘરેથી નીકળી ગયા પછી તેણે બાઈક સાથે બેડના પુલ પરથી પાણીના વહેણમાં ઝંપલાવ્યાનું પ્રાથમિક તારણ મળ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
