Author: નોબત સમાચાર
મચ્છી ઉતારી રહેલા ત્રણ શ્રમિક પર આઠ શખ્સનો છરી, તલવાર, ધોકાથી હુમલો
ત્રણેય ઈજાગ્રસ્તને દવાખાને ખસેડાયાઃ
જામનગર તા. ૧૮: જામનગરના તીનબત્તી વિસ્તારમાં આવેલી મચ્છી પીઠમાં ગઈરાત્રે મચ્છી ઉતારી રહેલા ત્રણ પર સામાન્ય બાબતે આઠ શખ્સે તલવાર-છરી, ધોકા વડે હુમલો કરી માર માર્યાે હતો.
જામનગરના બેડી વિસ્તાર પાસે આવેલા હુસેનીચોકમાં હોળી ફળીમાં ફારૂકભાઈ અનવરભાઈ ખોડ નામના યુવાન ગઈકાલે નગરના તીન બત્તી વિસ્તારમાં આવેલી મચ્છી પીઠમાં છોટા હાથીમાંથી મચ્છી ઉતારતા હતા.
આ વેળાએ તેમની સાથે અવેશ ફિરોઝ ગંઢાર, કાદર હુસેન છરૈયા પણ કામ કરતા હતા. ત્યારે તલવાર, છરી, ધોકા સાથે ધસી આવેલા માધાપર ભુંગાના શબ્બીર જુનસ સંઘાર, અકરમ બિલાલ, મહંમદરઝા ઈશા, આદમ આમદ, મહેબુબ કાસમ, રહીમ ઈબ્રાહીમ, ફારૂક ઈબ્રાહીમ તથા ઈબ્રાહીમ સંઘાર નામના આ શખ્સે હુમલો કર્યાે હતો.
આ શખ્સોએ ગાળો ભાંડી ઝઘડાની શરૂઆત કરી હતી. તે પછી આવેશે ગાળો બોલવાની ના પાડતા ઝઘડો વધી પડ્યો હતો અને હુમલો કરી આઠેય શખ્સે ફ્રેક્ચર સહિતની ઈજા કરી હતી. પીએસઆઈ જે.પી. સોઢાએ ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
