Author: નોબત સમાચાર
ઓખાના માછીમારો પર મધદરિયે પાક. નેવી દ્વારા કરાયું આડેધડ ફાયરીંગ
બોટની જળસમાધીઃ માછીમારોને ઉગારી લેવાયાઃ
ઓખા તા. ૧૮: ઓખા બંદરેથી માછીમારી માટે નીકળેલી એક બોટ પર મધદરિયે નાપાકની નેવીએ આડેધડ ફાયરીંગ કર્યાના અહેવાલો આવી રહ્યા છે. ફાયરીંગના કારણે બોટને નુકસાન થતાં તેણે જળસમાધી લીધી છે. દરિયામાં મોતના મોઢામાં જઈ રહેલા તમામ માછીમારોને ભારતીય સુરક્ષા જવાનોએ ઉગારી લીધા છે. તેઓને આજ સાંજ સુધીમાં ઓખા બંદરે લાવવામાં આવશે. ફાયરીંગની આ ઘટના અંગે તપાસ શરૂ કરાઈ છે.
ઓખાના બંદર પરથી માછીમારી માટે રવાના થયેલી એક બોટ મધદરિયે પહોંચ્યા પછી ગઈરાત્રે પાકિસ્તાનની નેવી દ્વારા તે બોટ પર ફાયરીંગ કરવામાં આવ્યું હોવાની ચર્ચા થઈ રહી છે.
મધદરિયે ફાયરીંગની ઘટના બનતા ભારતીય કોસ્ટ ગાર્ડ સહિતની સુરક્ષા એજન્સીઓ હરકતમાં આવી છે દરિયામાં ધસી ગયેલા સુરક્ષા એજન્સીના જવાનોએ તે બોટમાં રહેલા માછીમારોને ઉગારી લેવા પ્રયત્નો શરૂ કર્યા હતા. ફાયરીંગના કારણે આ બોટે જળસમાધી લીધી હતી.
તમામ માછીમારોને કોસ્ટગાર્ડના જવાનોએ દરિયામાંથી બહાર કાઢી ઓખા બંદરે ખસેડવાની તજવીજ શરૂ કરી છે. આજ સાંજ સુધીમાં તમામ માછીમારોને ઓખા બંદરે લાવવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
