Author: નોબત સમાચાર
જામનગરની ઈન્દિરા કોલોની તથા અલીયા ગામમાંથી ઝડપાઈ દારૂની બોટલ
સ્કૂટરમાં દારૂની લઈને જતો શખ્સ મળી આવ્યોઃ
જામનગર તા. ૧૮: જામનગરના અલીયા ગામ સ્થિત એક મકાન તથા જામનગરમાં ખેતીવાડી નજીક ઈન્દિરા કોલોની સ્થિત મકાનમાંથી ઈંગ્લીશ દારૂની આઠ-આઠ બોટલ ઝડપાઈ છે. જયારે સ્કૂટરમાં ચાર બોટલ લઈને જતા એક શખ્સને પોલીસે પકડી પાડ્યો છે અને દડીયા પાસેથી અન્ય એક શખ્સ બોટલ સાથે ઝડપાયો છે.
જામનગર તાલુકાના અલિયા ગામમાં એક શખ્સના મકાનમાં દારૂનો જથ્થો પડ્યો હોવાની બાતમી પરથી પંચકોશી એ ડિવિઝન પોલીસ સ્ટેશનના સ્ટાફે શનિવારે સાંજે અલિયા ગામની મુખ્ય બજારમાં આવેલા કિશન ભરતભાઈ મકવાણા નામના શખ્સના મકાનમાં દરોડો પાડ્યો હતો. તે મકાનની તલાસી લેવાતા ત્યાંથી ભારતીય બનાવટના અંગ્રેજી શરાબની આઠ બોટલ મળી આવી હતી. પોલીસે બોટલ કબજે કરી છે. દરોડા પહેલાં નાસી ગયેલા કિશનની શોધ કરાઈ રહી છે.
જામનગરની કામદાર કોલોની વિસ્તારમાં આવેલા આરોગ્ય કેન્દ્ર પાસેથી શનિવારે રાત્રે પસાર થતા એકસેસ સ્કૂટરને પેટ્રોલિંગમાં રહેલા સિટી સી ડિવિઝનના સ્ટાફે રોકાવી સ્કૂટરની તલાશી લેતા તેમાંથી દારૂની ચાર બોટલ મળી આવી હતી. તે મોટર સાથે શંકરટેકરી નજીક ઓધવ રામનગરમાં રહેતા કિશોર મુળજીભાઈ દામાની ધરપકડ કરવામાં આવી છે.
જામનગરના દિગ્જામ વુલન મીલ રોડ પર આવેલી ઈન્દિરા કોલોનીની શેરી નં.રમાં દિલીપ મંગાભાઈ સુરડીયાના મકાનમાં ગઈકાલે રાત્રે પોલીસે દરોડો પાડી તલાશી લેતા ત્યાંથી ઈંગ્લીશ દારૂની આઠ બોટલ મળી આવી હતી. પોલીસે દિલીપ તથા વીરાજ બુધાભાઈ સુરડીયાની ધરપકડ કરી છે.
જામનગરના રણજીત સાગર પર આવેલા દડીયા ગામ પાસેથી ગઈકાલે સાંજે હર્ષ નંદા નામના શખ્સને દારૂની એક બોટલ સાથે પોલીસે દબોચી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
