Author: નોબત સમાચાર
થિયેટરમાં પડી ગયેલી સોનાની લક્કી શોધી માલિકને અપાઈ પરત
ત્રણ તોલાની લક્કી ગણતરીની કલાકોમાં પોલીસે શોધીઃ
જામનગર તા. ૩૦ઃ જામનગરના એક આસામીની સિનેમા હોલમાં રૂપિયા દોઢ લાખની સોનાની લક્કી પડી ગયા પછી તેઓએ પોલીસનો સંપર્ક કરી મદદ માગતા ગણતરીની કલાકોમાં તેમને કિંમતી લક્કી શોધી આપવામાં આવી હતી.
જામનગરના દિગ્વિજય પ્લોટ વિસ્તારની શેરી નં.૧૭માં રહેતા દિપકભાઈ અનંતરાય સંઘવી નામના આસામી ગઈકાલે ખોડિયારકોલોની પાસે આવેલા ક્રિસ્ટલ મોલમાં ફિલ્મ જોવા ગયા હતા. તેઓ સાંજે ચાર વાગ્યે ફિલ્મમાં ગયા પછી સાતેક વાગ્યે જ્યારે બહાર નીકળ્યા ત્યારે તેઓને પોતાના હાથમાંથી ત્રણ તોલા વજનની સોનાની લક્કી ક્યાંક પડી ગઈ હોવાનું જણાઈ આવ્યું હતું.
આ આસામીએ સિનેમા હોલમાં શોધખોળ કર્યા પછી પણ લક્કી નહીં મળતા પોલીસનો સંપર્ક કર્યાે હતો. સિટી-સી ડિવિઝનના પીઆઈ જે.વી. ચૌધરીએ પ્રોબે. ડીવાયએસપી નયના ગોરડીયાની સૂચનાથી સર્વેલન્સ સ્ટાફને તપાસ કરવા જણાવ્યું હતું. સ્ટાફના ખીમશીભાઈ ડાંગર, હર્ષદ પરમાર વગેરેએ સિનેમા હોલ તથા મોલના સીસીટીવી કેમેરાના ફૂટેજ ચકાસ્યા હતા.
ત્યારપછી અંદાજે રૂપિયા દોઢેક લાખની સોનાની લક્કી મળી આવી હતી. તે લક્કી મૂળ માલિક દીપકભાઈ સંઘવીને પરત આપવામાં આવી હતી. તેઓએ પોલીસનો આભાર વ્યક્ત કર્યાે હતો. આ કામગીરીમાં સ્ટાફના યશપાલસિંહ, ફૈઝલ ચાવડા, શિવભદ્રસિંહ, યુવરાજસિંહ, હોમદેવસિંહ, મહેન્દ્રસિંહ વગેરે સાથે રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
