Author: નોબત સમાચાર
પાણી ઉડવાની બાબતે સિક્કામાં યુવાન પર પાડોશી પરિવાર ધોકાથી તૂટી પડ્યો
મેડીમાં એઠવાડના પ્રશ્ને વૃદ્ધને અપાઈ ધમકીઃ
જામનગર તા. ૩૦ઃ જામનગરના સિક્કામાં પોતાના ઘરની દીવાલ પર પાણી છાંટતી વખતે પાડોશીના રસોડા પર પાણી ઉડતા બોલાચાલી થઈ હતી. તે પછી પાડોશી દંપતી તથા તેમના પુત્રએ ધોકા-ઢીકાપાટુથી હુમલો કર્યાે હતો. જ્યારે મેડી ગામમાં વાડા પર એઠવાડ ન નાખવાનું કહેતા વૃદ્ધ પર હુમલો કરી એક શખ્સે જાનથી મારી નાખવાની ધમકી આપ્યાની પોલીસમાં ફરિયાદ કરવામાં આવી છે.
જામનગર તાલુકાના સિક્કા ગામની ગોકુલ૫ુરીમાં માલધારી ચોક પાસે રહેતા કરશનભાઈ સોમાભાઈ વાઘેલા નામના રબારી યુવાન ગઈકાલે પોતાના ઘરે દીવાલ પર પાણીનો છંટકાવ કરી રહ્યા હતા. આ વેળાએ તેમાંથી બાજુમાં રહેતા નવલસિંહ નામના આસામીના મકાનમાં રસોડામાં પાણી ઉડ્યું હતું. તેથી બોલાચાલી થયા પછી નવલસિંહ અને તેમના પુત્ર અનિરૂદ્ધસિંહ અને પત્ની રંજનબાએ હુમલો કર્યાે હતો.
પિતા-પુત્રએ કરશનભાઈ તથા તેમના ભાઈને ધોકા વડે માર માર્યાે હતો. જ્યારે રંજનબાએ ઢીકાપાટુથી કરશનભાઈના પત્નીને માર મારી ગાળો ભાંડી હતી. સિક્કા પોલીસ સ્ટેશનમાં તેની ફરિયાદ કરવામાં આવી છે.
જામનગર તાલુકાના મેડી ગામમાં રહેતા મધુભાઈ દેવાભાઈ ચાડસણીયા નામના સિત્તેર વર્ષના વૃદ્ધ શુક્રવારે સવારે પોતાના ખેતરે જતા હતા ત્યારે તેમના જ કુટુંબના ધરમશી ચાડસણીયા ઘરની પાસે વાડા નજીક ઉભા હતા અને તેઓએ વાડા પર એઠવાડ નાખ્યો હતો તેથી મધુભાઈએ ત્યાં એઠવાડ ન નાખવાનંુ કહેતા ઉશ્કેરાયેલા ધરમશીએ ગાળો ભાંડ્યા પછી હુમલો કરી મધુભાઈને માથામાં ઈજા પહોંચાડી હતી અને જાનથી મારી નાખવાની ધમકી આપી હતી. પંચકોશી-એ ડિવિઝન પોલીસ સ્ટેશનમાં મધુભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
