Author: નોબત સમાચાર
માંડવી ટાવર પાસે પતંગીયા ફળીમાં મકાનમાં ભભૂકી આગઃ ફસાયેલા વૃદ્ધને બચાવાયા
આગના કારણે રૂપિયા એકાદ લાખનું નુકસાનઃ
જામનગર તા. ૧૨ઃ જામનગરના માંડવી ટાવર પાસે આવેલી પતંગીયા ફળીમાં એક મકાનમાં ગઈરાત્રે બેએક વાગ્યે કોઈ કારણથી આગ ભભૂકી હતી. દોડી ગયેલી ફાયરબ્રિગેડ ટૂકડીએ આગ કાબૂમાં લીધી હતી અને મકાનમાં ફસાઈ ગયેલા વૃદ્ધને બહાર કાઢી લીધા હતા. આગના કારણે રૂપિયા એકાદ લાખનું નુકસાન થયું છે.
જામનગરના માંડવી ટાવર વિસ્તારમાં આવેલી પતંગીયા ફળીમાં ભગવાનજીભાઈ જીવણદાસ રાયઠઠ્ઠા નામના લોહાણા આસામીના મકાનમાં ગઈરાત્રે બેએક વાગ્યે આગ ભભૂકી ઉઠી હતી.
આગ લાગ્યાની જાણ થતાં ફાયરબ્રિગેડનો કાફલો ધસી ગયો હતો. ત્યાં પાણીનો મારો ચલાવી આગને કાબૂમાં લેવાના પ્રયત્નો શરૂ કરાયા હતા. તે દરમિયાન મકાનમાં તેના માલિક ભગવાનજીભાઈ ફસાઈ ગયા હોવાની જાણકારી મળતા ફાયરના જવાનો મકાનમાં ઘૂસી ગયા હતા. ત્યાંથી દાઝેલી હાલતમાં આ વૃદ્ધને બહાર કાઢવામાં આવ્યા હતા અને સારવાર માટે ૧૦૮માં જી.જી. હોસ્પિટલમાં ખસેડવામાં આવ્યા હતા. આગ કેવી રીતે લાગી? તે હજુ બહાર આવ્યું નથી. આગના કારણે મકાનમાં રહેલી રૂપિયા એકાદ લાખની ઘરવખરી સળગીને ખાખ થઈ ગઈ હતી. આ મકાનમાં વર્ષાેથી ભગવાનજીભાઈ ભાડે રહેતા હોવાનું જાણવા મળ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
