શ્રી કસ્તુરબા સ્ત્રી વિકાસગૃહમાંથી ત્રણ બાળકને કલેક્ટરની હાજરીમાં દત્તક અપાયા

Author: નોબત સમાચાર

શ્રી કસ્તુરબા સ્ત્રી વિકાસગૃહમાંથી ત્રણ બાળકને કલેક્ટરની હાજરીમાં દત્તક અપાયા

રાજકોટના એક અને અમદાવાદના બે દંપતીને

જામનગર તા. ૧રઃ જિલ્લા સમાજ સુરક્ષા અધિકારીની કચેરી અને જિલ્લા બાળ સુરક્ષઅ એકમ જામનગર હેઠળ કાર્યરત શ્રી કસ્તુરબા સ્ત્રી વિકાસ ગૃહના ત્રણ બાળકોને રાજકોટના એક અને અમદાવાદના બે દંપતી દ્વારા દત્તક લેવામાં આવ્યા છે. કલેક્ટર કચેરીમાં કલેક્ટર બી.કે. પંડ્યાની ઉપસ્થિતિમાં બાળકોને તેના દત્તક માતા-પિતાને સોંપવામાં આવ્યા હતાં તેમજ બાળકની તમામ જરૂરિયાતો પૂરી કરવા અને પૂરતી સારસંભાળ રાખવા કલેક્ટરે જણાવ્યું હતું, સાથે માતા-પિતા બનવા બદલ ત્રણે દંપતીઓને શુભેચ્છાઓ પાઠવી હતી.

ત્રણે બાળકોના દત્તક માતા-પિતા અને તેમની સાથે આવેલા પરિવારજનોએ કલેક્ટરશ્રી, બાળ સુરક્ષા અધિકારી, બાળ કલ્યાણ સમિતિ તેમજ કસ્તુરબા સ્ત્રી વિકાસ ગૃહનો આભાર વ્યક્ત કરી કર્યો હતો તેમજ બાળકને દત્તક લીધા પછી પોતાની ખુશી વ્યક્ત કરી હતી.

આ કાર્યક્રમમાં નિવાસી કલેક્ટર બી.એન. ખેર, જિલ્લા બાળ સુરક્ષા અધિકારી આર.જે. શિયાર, બાળ કલ્યાણ સમિતિના ચેરમેન ભાવિનભાઈ ભોજાણી તથા સભ્યો તેમજ કસ્તુરબા સ્ત્રી વિકાસ ગૃહના સભ્યો ઉપસ્થિત રહ્યા હતાં.

જો આપને આ પોસ્ટ ગમી હોય તો શેર કરો...