ખંભાળીયામાં ગોકાણી પરિવાર દ્વારા પિતૃ મોક્ષાર્થે શ્રીમદ્ ભાગવત સપ્તાહનું આયોજન

Author: નોબત સમાચાર

ખંભાળીયામાં ગોકાણી પરિવાર દ્વારા પિતૃ મોક્ષાર્થે શ્રીમદ્ ભાગવત સપ્તાહનું આયોજન

આગામી તા. ૨૧ થી ૨૮-૧૧-૨૪ દરમિયાન

ખંભાળીયા તા. ૧૩: ખંભાળીયાના જાણીતા અગ્રણી લોહાણા વેપારી તથા પૂર્વ પાલિકા પ્રમુખ જયેશભાઈ ગોકાણી પરિવાર દ્વારા સ્વ. મણીલાલ થાવરદાસ ગોકાણી, સ્વ. ગોદાવરીબેન ગોકાણી તથા ગોકાણી પરિવારના સર્વે પિતૃઓના મોક્ષાર્થે તા. ૨૧-૧૧ થી ૨૮-૧૧-૨૪ સુધી શ્રીમદ્ ભાગવત સપ્તાહનું આયોજન કર્યું છે. આ સપ્તાહના વ્યાસાસને શાસ્ત્રી ચંદ્રેશભાઈ પોરબંદરવાળા બિરાજશે.

તા. ૨૧-૧૧ના દેહશુદ્ધિ સ્થાપન પૂજન, પોથી યાત્રા તથા ભાગવત મહાત્મ્ય, ૨૨-૧૧ના કપીલ પ્રાગટ્ય, ૨૩-૧૧ના જડભરત ચરિત્ર, ૨૪-૧૧ના પ્રહલાદ ચરિત્ર, નૃસિંહ પ્રાગ્ટય, ૨૫-૧૧ના શ્રીરામ પ્રાગ્ટય, વામન પ્રાગ્ટય, શ્રીકૃષ્ણ જન્મોત્સવ, ૨૬-૧૧ના શ્રી ગોવર્ધન ઉત્સવ, ૨૭-૧૧ના રૂક્ષમણિ વિવાહ તથા ૨૮-૧૧ના પરીક્ષીત મુક્તિ, ભાગવત હુંડી સાથે કથા પૂર્ણાહુતિ થશે.

જુની લોહાણા મહાજન વાડી, ખંભાળીયામાં સવારે ૯ થી ૧૨ તથા સાંજે ૪ થી ૭ કથા શ્રવણ થશે તથા ૨૬-૧૧ના સાંજે લોટી ઉત્સવ તથા માળા પહેરામણીમાં પોરબંદરના પૂજ્ય ગોસ્વામી ૧૦૮ શ્રી વસંત રાયજી મહારાજ પધારશે તથા ૨૪-૧૧ના રાજુભાઈ ભટ્ટ, નિરૂબેન દવે, અવધભાઈ ભટ્ટ જુનાગઢ કલાવૃંદનો કાર્યક્રમ તથા ૨૬-૧૧ના રાત્રે રાજુભાઈ ગઢવી ગ્રુપનો લોકડાયરો યોજાશે.

જો આપને આ પોસ્ટ ગમી હોય તો શેર કરો...