Author: નોબત સમાચાર
જમવાનું ખરાબ નીકળ્યું તેમ કહી પરોઠા હાઉસના સંચાલક પર ધારીયાથી હુમલો
શેઢા બાબતે ખાર રાખી ખેડૂત પર ધોકાવાળીઃ
જામનગર તા. ૧૩: જામનગરના હાપા માર્કેટીંગ યાર્ડ પાસે આવેલા એક પરોઠા હાઉસમાં ગઈકાલે સવારે જમવાનંુ ખરાબ નીકળ્યું તેમ કહી એક શખ્સે પરોઠા હાઉસના સંચાલકને ગાળો ભાંડી હોટલમાં નુકસાન કરવા ઉપરાંત ધારીયાથી હુમલો કરી ઈજા પહોંચાડી હતી. જ્યારે શેઢા બાબતે થયેલા મનદુખનો ખાર રાખી ભાણવડમાં ઘુમલી રોડ પર એક ખેડૂત પર હુમલો કરવામાં આવ્યો હતો.
જામનગર-રાજકોટ માર્ગ પર આવેલા ધુંવાવ ગામમાં રહેતા ઈરફાન ઉમરભાઈ મથુપૌત્રા નામના યુવાનના હાપા માર્કેટીંગ યાર્ડ પાસે આવેલા વતન પરોઠા હાઉસમાં ભોજનનું પાર્સલ લેવા માટે કાલે સવારે રાજ દેવીપૂજક નામના શખ્સના પત્ની ગયા હતા.
તે પછી જમવાનું ખરાબ નીકળ્યું હોવાનું કહી રાજ દેવીપૂજક પરોઠા હાઉસ પર ધસી આવ્યો હતો. આ શખ્સે ગાળો ભાંડી હોટલમાં નુકસાન કરવા ઉપરાંત પોતાની પાસે રહેલુ ધારીયુ ઈરફાનને હાથમાં ઝીંકયું હતું અને વાંસામાં પણ ઈજા પહોંચાડી હતી. ઈરફાને રાજ સામે સિટી એ ડિવિઝન પોલીસ સ્ટેશનમાં રાવ કરી છે.
દેવભૂમિ દ્વારકા જિલ્લાના ભાણવડમાં રણજીતપરામાં રહેતા માવજીભાઈ જગાભાઈ કટેશીયા તથા મલાભાઈ બધાભાઈ ભરવાડ વચ્ચે જમીનના શેઢા બાબતે બેએક વર્ષ પહેલાં મનદુખ થયું હતું. તે પછી માવજીભાઈએ જમીનની માપણી કરાવવાનું કહેતા ગયા શુક્રવારે સવારે લાકડાના ગેડાને સાથે રાખીને ધસી આવેલા મલાભાઈએ ગાળો ભાંડ્યા પછી હુમલો કરતા માવજી ભાઈનો હાથ ભાંગી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
