Author: નોબત સમાચાર
મને લોકઅપમાં કેમ પુરાવ્યો તેમ કહી યુવાન પર ત્રણનો હુમલો
સામા પક્ષે પણ નોંધાવી વળતી ફરિયાદઃ
જામનગર તા. ૪: જામનગરના ભીમવાસના ઢાળીયા પાસે એક યુવાન પર ત્રણ શખ્સે છરી-ધોકાથી હુમલો કર્યાે હતો. તેની પોલીસમાં ફરિયાદ કરવામાં આવી છે. આ ફરિયાદની સામે એક હુમલાખોરના બહેને વળતી ફરિયાદ નોંધાવી છે. પોલીસે બંને ફરિયાદ પરથી એક મહિલા સહિત પાંચ સામે ગુન્હો નોંધ્યો છે.
જામનગર શહેરના સ્વામીનારાયણનગર વિસ્તારમાં રહેતા અશ્વિનભાઈ વસંતભાઈ પરમાર નામના યુવાન ગઈકાલે બપોરે પોતાના ઘર પાસે આવેલા ભીમવાસના ઢાળીયે પાન-મસાલો ખાવા માટે ગયા હતા ત્યારે સ્વામી નારાયણનગરમાં જ રહેતા નયન ધવડ તથા વિપુલ ધવડ અને એક અજાણ્યા શખ્સે ગાળો ભાંડી હતી. નયને તારી પત્નીએ મારા પર પોલીસ ફરિયાદ કરી મને લોકઅપમાં કેમ પુરાવ્યો તેમ કહી ઝઘડો કર્યાે હતો. આ વેળાએ ગાળો દેવાની ના પાડતા ઉપરોક્ત ત્રણેય શખ્સે હુમલો કર્યાે હતો. નયને પોતાની પાસે રહેલી છરી બહાર કાઢી હુલાવી દીધી હતી અને વિપુલે ઢીકાપાટુથી માર માર્યાે હતો. ત્રણેય શખ્સ સામે અશ્વિનભાઈએ સિટી-બી ડિવિઝન પોલીસ સ્ટેશનમાં ફરિયાદ નોંધાવી છે.
આ ફરિયાદની સામે ઠેબા બાયપાસ પાસે સેન્ટરોઝ પાર્કમાં રહેતા જયોતિબેન જયસુખભાઈ વાઘેલાએ વળતી ફરિયાદ નોંધાવી છે. જેમાં તેઓએ જણાવ્યા મુજબ ગઈકાલે બપોરે અશ્વિન પરમાર તથા ભાનુબેન નામના વ્યક્તિઓ આવ્યા હતા અને તારો ભાઈ નયન ક્યા છે તેમ પૂછયું હતું. નયને મારી પત્નીને મેસેજ કર્યા છે તેમ કહી જયોતિબેનને ગાળો ભાંડી અશ્વિનભાઈ તથા ભાનુબેને ઢીકાપાટુથી માર માર્યાે હતો. પોલીસે બંને પક્ષની ફરિયાદ નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
