Author: નોબત સમાચાર
જલારામ સેવા ટ્રસ્ટ દ્વારા દુઃખદ પ્રસંગે જામનગરમાં અગિયાર વર્ષમાં ૧૧ લાખ લોકોને અપાઈ ભોજન સેવા
હાપાના જલારામ મંદિર, પ્રભુદાસ કોટેચા અન્નક્ષેત્ર તથા
જામનગર તા. ૧૧: જામનગરમાં હાપા જલારામ મંદિર, અન્નક્ષેત્ર અને ટ્રસ્ટ દ્વારા ૧૧ મા વર્ષમાં ૧૧ લાખ લોકોના દુઃખમાં સહભાગી થઈ ભોજન કરાવ્યું છે.
શ્રી જલારામ સેવા ટ્રસ્ટ-હાપા અને શ્રી પ્રભુદાસ ખીમજી કોટેચા અન્નક્ષેત્ર હોલ તથા શ્રી જલારામ મંદિર-હાપાના સહયોગથી જામનગર શહેરમાં લોકોના ઘરે જ્યારે દુઃખદ પ્રસંગ હોય ત્યારે જલારામ સદાવ્રત દ્વારા જ્ઞાતિ-જાતિના ભેદભાવ વગર વિનામૂલ્યે ભોજન સેવા આપવામાં આવે છે.
૯ નવેમ્બર, ૨૦૧૩ થી શરૂ કરવામાં આવેલા આ સેવાને ૧૧ વર્ષ પૂર્ણ થઈ ચૂકયા છે ત્યારે આ સેવાનો વધુમાં વધુ લોકો લાભ લે તેવી ટ્રસ્ટ દ્વારા લોકોને વિનંતી સાથે ટ્રસ્ટી રમેશભાઈ દત્તાણીએ જણાવ્યું છે કે, ૧૧ વર્ષ દરમ્યાન જામનગર શહેરમાં ૧૧ લાખથી વધુ લોકોને ભોજન સેવા જલારામ સદાવ્રત દ્વારા પૂરી પાડવામાં આવી છે. અત્રે ઉલ્લેખનીય છે કે, શ્રી પ્રભુદાસ ખીમજી કોટેચા અન્નક્ષેત્ર દ્વારા જલારામ મંદિર હાપામાં અન્નક્ષેત્ર તેમજ વડીલો માટે ટિફિન વ્યવસ્થા પણ અવિરત પુરી પાડવામાં આવે છે. આ ઉપરાંત કોરોના, અતિવૃષ્ટિ અથવા કુદરતી આફતોના સમયે પણ જલારામ સેવા ટ્રસ્ટ પોતાની ભોજન સેવાઓ પૂરી પાડતું રહ્યું છે.
જલારામ સેવા ટ્રસ્ટને તેમની અવિરત સેવાઓ માટે રાજ્ય સરકાર દ્વારા પુરસ્કૃત કરવામાં આવેલ છે વિશ્વ વિક્રમી ૭ ફૂટ બાય ૭ ફૂટનો રોટલો પણ જલારામ સેવા ટ્રસ્ટ દ્વારા બનાવવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
