Author: નોબત સમાચાર
ધોરીવાવની ગોળાઈમાં રિક્ષા સાથે મોટર ટકરાતા ચારને ઈજા
રોષિત ટોળાએ મોડીરાત્રે મોટરને સળગાવી નાખીઃ પોલીસ કાફલો દોડ્યોઃ
જામનગરના લાલપુર બાયપાસથી રણજીતસાગર તરફ જવાના માર્ગ પર આવેલા ધોરીવાવ નજીક ગોળાઈમાં ગઈરાત્રે જીજે-૧૦-ડીએન ૩૭૧૬ નંબરની આઈ-૨૦ મોટરે સામેથી આવતી જીજે-૧૦-ટીડબલ્યુ ૨૨૮૪ નંબરની ઓટો રિક્ષા સાથે ધડાકાભેર અકસ્માત સર્જયો હતો. અકસ્માત પછી રિક્ષાનું પડીકુ વળી ગયું હતું. તેમાં જઈ રહેલા ત્રણ મુસાફર અને તેના ડ્રાઈવરને ગંભીર ઈજા થઈ છે. ઈજાગ્રસ્તોને સારવાર માટે જી.જી. હોસ્પિટલમાં ખસેડવામાં આવ્યા પછી બે ઈજાગ્રસ્તને વધુ સારવાર માટે રાજકોટ લઈ જવામાં આવ્યા છે. સ્થળ પર દોડી આવેલી પોલીસે મોટરચાલક સામે બેને અટકાયતમાં લીધા હતા. સ્થળ પર પડેલી અકસ્માત સર્જનાર મોટરને રોષિત ટોળાએ આગ ચાંપી દીધી હતી. બનાવના સ્થળે તથા હોસ્પિટલમાં મોડીરાત્રિ સુધી પીઆઈ પી.પી. ઝા સહિતનો સ્ટાફ રહ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
