Author: નોબત સમાચાર
પડાણા પાસે શ્રમિકને કન્ટેઈનર અડકી જતાં થઈ ગંભીર ઈજા
જામનગર તા. ૨૮: જામનગર-ખંભાળિયા માર્ગ પર પડાણા પાસે વેરહાઉસ-ર નજીક ટ્રકનું ઠાઠુ બંધ કરતા એક શ્રમિકને કન્ટેઈનરના ચાલકની બેદરકારીના કારણે અકસ્માત નડ્યો છે. ગંભીર ઈજા પામેલા શ્રમિકને હોસ્પિટલમાં ખસેડવામાં આવ્યા છે. દેવભૂમિ દ્વારકા જિલ્લાના ભાણવડ તાલુકાના ટીંબડી ગામના રહેવાસી અને ટ્રકમાં સામાન ભરવાની મજૂરી કરતા ગોગનભાઈ રાજાભાઈ મોરી ગઈ તા.૧૪ની રાત્રે મેઘપર નજીક વેરહાઉસ-ર પાસે જીજે-૧૦-ટીવી ૭૪૦૬ નંબરના ટ્રકનું ઠાઠુ બંધ કરતા હતા. આ વેળાએ જીજે-૧૦-ટીટી ૯૫૩૯ નંબરના કન્ટેઈનરના ચાલકે બેદરકારીથી પોતાનું વાહન રિવર્સમાં લઈ ગોગનભાઈને ઈજા થાય તે રીતે અડકાડતા કમર પાસે ગંભીર ઈજા પામેલા ગોગનભાઈને સારવારમાં ખસેડવામાં આવ્યા છે. તેઓએ મેઘપર પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
