Author: નોબત સમાચાર
જામનગરમાંથી સોનાના લટકણીયા તથા રોકડની ચોરી કરનાર શખ્સ ઝડપાઈ ગયો
એક ઓરડીમાંથી પણ બે મોબાઈલ ઉઠાવ્યાની કબૂલાતઃ
જામનગર તા. ૨૬: જામનગરના હરિયા કોલેજ રોડ પરથી એલસીબીએ એક શખ્સને અટકાયતમાં લઈ પૂછપરછ કરતા તેણે સુભાષપરામાં બે મકાનમાં હાથફેરો કર્યાની અને દોઢેક મહિના પહેલા ગોકુલનગરમાં એક ઓરડીમાંથી બે મોબાઈલ ઉઠાવ્યાની કબૂલાત કરી છે. એલસીબીએ રૂ. ૭ હજાર રોકડા, સોનાનો દાગીનો અને બે મોબાઈલ કબજે કરી આ શખ્સની ઘનિષ્ઠ પૂછપરછ યથાવત રાખી છે.
જામનગરમાં ગઈકાલે સ્થાનિક ગુન્હાશોધક શાખાના સ્ટાફ દ્વારા કરવામાં આવી રહેલા પેટ્રોલિંગમાં સ્ટાફના હે.કો. મયુદ્દીન, અરજણભાઈ, વનરાજ મકવાણાને મળેલી બાતમીના આધારે હરિયા કોલેજ રોડ પરથી અજય જયંતિભાઈ રાઠોડ નામના શખ્સને અટકાયતમાં લેવામાં આવ્યો હતો.
શંકરટેકરી સુભાષપરામાં રહેતા આ શખ્સની તલાશી લેવાતા તેના કબજામાંથી સાડા આઠ ગ્રામ વજનના સોનાના હીયરીંગ તથા રૂ. ૭ હજાર રોકડા અને બે મોબાઈલ મળી આવ્યા હતા. આ શખ્સને એલસીબી કચેરીએ ખસેડી પૂછપરછ કરાતા તેણે ઉપરોક્ત વસ્તુની ચોરી કરી હોવાની કબૂલાત કરી છે.
આ શખ્સે ગઈ તા.૧૪ના દિને સુભાષપરામાં બે મહિલાના મકાનમાં હાથફેરો કરી ત્યાંથી સોનાના હીયરીંગ અને રૂ. ૭ હજાર રોકડા ચોરી કર્યાની કબૂલાત આપવા ઉપરાંત ગોકુલનગરમાં દોેઢેક મહિના પહેલાં એક ઓરડીમાંથી બે મોબાઈલ ચોરી કર્યાની પણ કબૂલાત આપી છે. એલસીબીએ રૂ. ૧૦ હજારના તે મોબાઈલ પણ શક પડતી મિલકત તરીકે કબજે કર્યા છે. આ કાર્યવાહી પીઆઈ વી.એમ. લગારીયાના માર્ગદર્શન હેઠળ પીએસઆઈ આર.કે. કરમટા, પી.એન. મોરી તથા સ્ટાફે કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
