Author: નોબત સમાચાર
જામજોધપુરના પાટણ ગામ પાસેથી ૩૩૦ ગ્રામ ગાંજા સાથે શખ્સ ઝડપાયો
વેચાણ માટે સાથે રાખ્યાની મળી કબૂલાતઃ
જામનગર તા. ૨૬: જામજોધપુરના પાટણ ગામ પાસે ગંગાજળીયા નેસ નજીકથી ગઈરાત્રે બે વાગ્યે પોલીસે એક શખ્સને ગાંજાના ૩૩૦ ગ્રામ જથ્થા સાથે પકડી લીધો છે. આ શખ્સે ગાંજો વેચાણ માટે રાખ્યાની કબૂલાત કરી છે. પોલીસે તેની પૂછપરછ હાથ ધરી છે.
જામજોધપુર તાલુકાના પાટણ ગામથી ગંગાજળીયા નેસ તરફ જવાના માર્ગ પર ગઈરાત્રે ગાંજાની હેરાફેરી કરાઈ રહી હોવાની બાતમી મળતા જામજોધપુર પોલીસ સ્ટેશનના પીઆઈ વાય.જે. વાઘેલા તથા સ્ટાફે વોચ ગોઠવી હતી.
દરમિયાન રાત્રે બેએક વાગ્યે ગંગાજળીયા નેસમાં રહેતો મેરખીભાઈ તેજાભાઈ મુસાર નામનો રબારી શખ્સ પસાર થયો હતો. તે શખ્સને રોકાવી પોલીસે ચેક કરતા તેના કબજામાંથી ૩૩૦ ગ્રામ ગાંજો મળી આવ્યો હતો. આ શખ્સે વેચાણ માટે તે ગાંજો સાથે રાખ્યાની કબૂલાત આપી છે. પોલીસે એનડીપીએસ એક્ટ હેઠળ ગુન્હો નોંધી આરોપીની ધરપકડ કરી લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
