ડૉ. જગદીશભાઈ ત્રિવેદીનું 'ગ્રીનસિટી' દ્વારા સન્માન

Author: નોબત સમાચાર

ડૉ. જગદીશભાઈ ત્રિવેદીનું 'ગ્રીનસિટી' દ્વારા સન્માન

૫દ્મવિભુષણ એવોર્ડથી નવાજીત

રાજકોટ તા. ૨૬: તાજેતરમાં જ દિલ્હીમાં વડાપ્રધાન નરેન્દ્ર મોદી તથા ગૃહમંત્રી અમિત શાહની પ્રેરક હાજરીમાં રાષ્ટ્રપતિના હસ્તે ડૉ. જગદીશ ત્રિવેદીને પદ્મવિભુષણ એવોર્ડથી નવાજવામાં આવ્યા હતાં. તેઓ આ સન્માન પ્રાપ્ત કરી દિલ્હીથી ભાવનગર બુધાભાઈ પટેલના ઘેર મહેમાન બન્યા હતાં. ગુરૂવારના સવારે ૧૦ વાગ્યે નાદુરસ્ત તબિયત હોવા છતાં ગ્રીનસિટી સંસ્થાને પ્રોત્સાહીત કરવા વૈદ્ય રસીકભાઈ શેઠ માર્ગ ૫ર વૃક્ષારોપણ કર્યું હતું અને તેઓએ જણાવ્યું હતું કે એવોર્ડ મળ્યા પછી તુરંત જ મને વૃક્ષારોપણ કરવાની તક મળી તે માટે હું ગ્રીનસિટી સંસ્થાનો આભારી છું. તેઓએ જણાવ્યુ હતું કે હાલમાં ભાવનગરમાં ગુજરાતમાં બીજા ક્રમે હરિયાળી છે, પરંતુ દેવેનભાઈ શેઠની ધગશ, મહેનત જોતા મને ખાતરી છે કે ટૂંક સમયમાં ભાવનગર ગુજરાતનું સૌથી વધુ હરીયાળુ શહેર બની જશે.

ગ્રીનસિટીના દેવેનભાઈ શેઠ તથા મલ્લીકાબેન શેઠએ નાનકડુ વૃક્ષ આપીને જગદીશભાઈ ત્રિવેદીનું અભિવાદન કર્યું હતું. કિલોનભાઈ મહેતાએ શેઠ બ્રધર્સના સ્વ. રસીકભાઈ શેઠના સંઘર્ષને આલેખતું 'છલાંગ' પુસ્તક આપીને જગદીશભાઈનું સ્વાગત કર્યું હતું. ખાદ્યખોરાકના હિમાચલભાઈ મહેતાએ ભગવદ્ ગીતાનું પુસ્તક આપીને જગદીશભાઈનું સ્વાગત કર્યું હતું.

જો આપને આ પોસ્ટ ગમી હોય તો શેર કરો...