Author: નોબત સમાચાર
ઢોરને ચારો નીરતી વખતે ખુંટીયાએ ઢીંકે ચઢાવતા પરપ્રાંતીય યુવાનનું મોત
લાલપુરના પડાણાના ઢોરવાડામાં બન્યો બનાવઃ
જામનગર તા. ૨૬: લાલપુર તાલુકાના પડાણામાં એક ઢોરવાડામાં ગઈકાલે સવારે પરપ્રાંતીય યુવાન ઢોરને ચારો નીરતી વખતે છૂટા રહેલા ખુંટીયા બાંધવા જતાં એક ખંુટીયાએ તેઓને ઢીંકે ચઢાવી પછાડ્યા હતા. ગંભીર ઈજા પામેલા આ યુવાનનું ટૂંકી સારવાર પછી મૃત્યુ નિપજ્યું છે.
જામનગર-ખંભાળિયા માર્ગ પર આવેલા પડાણા ગામ પાસે ઢોરના વાડામાં ગઈકાલે સવારે મૂળ મધ્યપ્રદેશના રતલામ જિલ્લાના આલોટ તાલુકાના ખાખરખેડા ગામના વતની નેપાલભાઈ ભંવરલાલ નાયક (ઉ.વ.૩૧) નામના યુવાન પશુને ચારો નીરતા હતા.
આ વેળાએ છૂટા રહેલા બે ખુંટીયાને બાંધવા જતી વખતે એક ખુંટીયાએ નેપાલભાઈને ઢીંક મારીને પછાડ્યા પછી ફરીથી ઢીંક મારી ઉછાળ્યા હતા. જમીન પર જોશભેર પટકાયેલા નેપાલભાઈને માથામાં ગંભીર ઈજા થઈ હતી. આ યુવાનને સારવાર માટે ખસેડવામાં આવ્યા પછી ગઈકાલે સાંજે તેમના પર કાળનો પંજો પડ્યો છે. ચેતારામ બીજારામ દેવાંશીએ પોલીસને જાણ કરી છે. મેઘપર પોલીસે અપમૃત્યુની નોંધ કરી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
