Author: નોબત સમાચાર
પ્રદુષણ નિયંત્રણ કચેરીનું આકસ્મિક ચેકિંગ : નવ કારખાનાને નોટીસ
જામનગરના ઉદ્યોગનગરમાં પ્રદુષણ ઓકતા એકમો ઉપર તવાઈ
જામનગરના ઉદ્યોગનગર વિસ્તારમાં ગઈકાલે પ્રદુષણ નિયંત્રણ બોર્ડની જામનગરની કચેરીની ટીમ દ્વારા આકસ્મિક ચકાસણી કરવામાં આવી હતી અને નવ કારખાના સંચાલકોને નોટીસ આપી હતી અને ચેકિંગનો સંપૂર્ણ અહેવાલ વડી કચેરીને મોકલ્યો છે. જ્યારે કારખાનામાંથી નીકળતા ઝેરી કચરા-પ્રવાહીના સેમ્પલ પણ લેવાયા હતાં. જામનગરમાં ઉદ્યોગનગર વિસ્તારમાં અમુક કારખાના પ્રદુષણ ઓકતા હોવા અંગે ગઈકાલે જામનગરની પ્રદુષણ નિયંત્રણ કચેરીની ટીમ દ્વારા નવ કારખાનામાં ચેકિંગ કરવામાં આવ્યું હતું.જ્યાંથી એસીડવાળું, ઝેરી કેમિકલવાળું પ્રવાહી જાહેર ગટરમાં નિકાલ કરવામાં આવતો હોવાનું જોવા મળતા તેમને નોટીસ આપી જરૂરી નમુના લેવામાં આવ્યા હતાં. જ્યાં આ ચેકીંગ કરાયું હતું તેમાં જાનકી વલ્લભ, રૂપા, ધનલક્ષ્મી, ખોડીયાર, ગજાનન, મહાલક્ષ્મી, માટેલ અને ગુણાતીત નામના કારખાનાનો સમાવેશ થાય છે.આમાંથી ત્રણ કારખાનેદારોને નોટીસ આપી ત્રણ દિવસમાં ખુલાસો કરવા પણ જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
