Author: નોબત સમાચાર
જામનગરમાં એસજીએફઆઈ શહેર કક્ષાની ટેબલ ટેનિસ સ્પર્ધાઃ ૧૩પ ખેલાડીઓએ ભાગ લીધો
અંડર ૧૪, ૧૭ અને ૧૯માં ભાઈઓ-બહેનોની સ્પર્ધા
જામનગર તા.૧૯ : રાજ્ય સરકારના રમત-ગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરીટી ઓફ ગુજરાત, ગાંધીનગર દ્વારા આયોજિત અને જિલ્લા રમત અધિકારી, જામનગર શહેર દ્વારા સંચાલિત અખિલ ભારતીય શાળાકીય રમતોની સ્પર્ધા ર૦ર૪-રપની મહાનગર પાલિકા કક્ષાની ટેબલ ટેનિસ અંડર ૧૪, ૧૭ અને ૧૯ ભાઈઓ અને બહેનોની સ્પર્ધાનું આયોજન તા. ૩૦ જુલાઈના સ્પોર્ટ્સ કોમ્પ્લેક્ષ હોલ, જિલ્લા રમત પ્રશિક્ષણ કેન્દ્ર, અજીતસિંહજી ક્રિકેટ પેવેલિયન જામનગરમાં જિલ્લા રમત અધિકારીની કચેરી દ્વારા કરવામાં આવ્યું હતું.
આ સ્પર્ધામાં કુલ ૧૩પ ખેલાડીઓએ ભાગ લીધો હતો. ટેબલ ટેનિસ સ્પર્ધા ભાઈઓમાં અંડર ૧૯ વય જૂથમાં નેશનલ હાઈસ્કૂલના અનુક્રમે ૧ થી પ નંબરના વિજેતાઓમાં વાઘેલા મોહિત, જોરીયા મહેશ, ભગત ફરીદ, ખુરેશી નૂરમામદ અને વડોદરા ચિરાગ વિજેતા થયા હતાં. અંડર ૧૭માં ૧ થી પ નંબર જેમાં અનુક્રમે સત્સસાઈ સ્કૂલના યગ્નેશ પરમાર, એન.વી.એન. સ્કૂલના આર્યન પરમાર, સેન્ટઝેવિયર્સ સ્કૂલના રૂદ્ર ઉપાધ્યાય, એન.વી.એન. સ્કૂલના ધીર ધોકાય તથા પી.વી. મોદી સ્કૂલના ઓમ વ્યાસ વિજેતા થયા હતાં. ટેબલ ટેનિસ સ્પર્ધા બહેનોમાં અંડર ૧૪માં સોઢા સ્કૂલના જાડેજા ધ્વનિબા અને અંડર ૧૭ માં એન.વી.એન. સ્કૂલના તનિશા કટારમલ વિજેતા જાહેર થયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
