Author: નોબત સમાચાર
જામનગરની ઓશવાળ હોસ્પિટલ સામેના દબાણો હટાવાયાઃ મનપા-પોલીસનું સંયુકત ઓપરેશન
દિગ્વિજય પ્લોટ વિસ્તારમાં ટ્રાફિક જામની સમસ્યા
જામનગરમાં દિગ્વિજય પ્લોટ, ઓશવાળ હોસ્પિટલ સામેના વિસ્તારમાં ધંધાર્થીઓ દ્વારા ટ્રાફિક જામની સમસ્યા સર્જવામાં આવતી હોવાથી આજે મહાનગરપાલિકા અને પોલીસ દ્વારા દબાણ હટાવ ઝુંબેશ હાથ ધરવામાં આવી હતી અને કેટલોક માલ-સામાન, કેબીનો, વાહનો કબજે લેવામાં આવ્યા હતાં. જામનગરમાં ઓશવાળ હોસ્પિટલ સામે આવેલ હોટલ, દુકાનદારો દ્વારા જાહેર રોડ ઉપર ટેબલ-ખુરશી, બાકડા નાખીને દબાણ કરવામાં આવ્યું હતું અને ત્યાં આવતા ગ્રાહકોના કારણે ટ્રાફિક સમસ્યા સર્જાતિ હતી. આથી આજે મહાનગરપાલિકાની એસ્ટેટ શાખાએ આજે પોલીસને સામે રાખીને દબાણ હટાવ ઝુંબેશ હાથ ધરી હતી અને ચાર કેબીનો કબ્જે કરી હતી ઉપરાંત ટેબલ-ખુરશી વગેરે દૂર કર્યા હતાં આ સાથે પોલીસ દ્વારા પણ ૧પ જેટલા વાહનો કબ્જે કરવામાં આવ્યા હતાં અને સંપૂર્ણ વિસ્તારને દબાણ મુક્ત કરાવાયો હતો. આ ઉપરાંત ખંભાળીયા નાકા બહાર આવેલ શક્તિ હોટલ પાસે પણ ટેબલો નાખી જાહેર રોડ ઉપર દબાણ કરાયું હતું. ત્યાંથી પણ ટેબલો ઉઠાવી લેવાયા હતા અને દબાણો દૂર કરાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
