Author: નોબત સમાચાર
દરેડ-મસીતીયા રોડ પર રાંધણગેસના બાટલામાંથી ઝડપાયું ગેરકાયદે રીફીલીંગ
એસઓજીએ ખાલી-ભરેલા બાટલા કબજે કર્યાઃ
જામનગર તા. ૧૯: જામનગરના દરેડથી મસીતીયા વચ્ચેના રોડ પર ગઈકાલે એક શખ્સ રાંધણગેસના ભરેલા બાટલામાંથી ખાલી બાટલામાં ગેરકાયદેસર રીફીલીંગ કરતો મળી આવ્યો હતો. એસઓજીએ ત્યાં દરોડો પાડી ખાલી-ભરેલા સાત બાટલા કબજે કર્યા હતા.
જામનગર નજીકના દરેડ પાસે આવેલા મસીતીયા રોડ પર એક શખ્સ રાંધણગેસના બાટલામાંથી રીફીલીંગ કરતો હોવાની બાતમી મળતા ગઈકાલે એસઓજીના પીઆઈ બી.એન. ચૌધરીની સૂચના અને પીએસઆઈ એલ.એમ. જેરના વડપણ હેઠળ એસઓજી ટીમે દરોડો પાડયો હતો.
મસીતીયા મેઈન રોડ પર એકતા પ્રોવિઝન નામની દુકાન પાસે દરેડના ધાર વિસ્તારમાં રહેતો અફઝલ યુનુસ અંસારી નામનો શખ્સ મળી આવ્યો હતો. આ શખ્સ રાંધણગેસના બાટલામાંથી ખાલી બાટલામાં રીફીલીંગ કરી રહ્યો હતો. એસઓજીએ સ્થળ પરથી ખાલી-ભરેલા તેમજ નાના મોટા મળી સાત બાટલા, પાઈપ, નોઝલ સહિતનો મુદ્દામાલ કબજે કરી અફઝલ અંસારી સામે પંચકોશી બી ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
