Author: નોબત સમાચાર
જામનગરમાં ઠંડકઃ સાડા ચાર ડીગ્રી ઘટીને મહત્તમ તાપમાન ૩૦ ડીગ્રી નોંધાયુંઃ ભેજ ૯૬%
ઉ. ભારતમાં હિમવર્ષા તથા ભારે પવનના કારણે
જામનગર તા. ૧ઃ ઉત્તર ભારતમાં હાલ હિમવર્ષા થઈ રહી છે તેમજ પવનની ગતિમાં વધારો થયો છે. જેના પગલે જામનગરના વાતાવરણમાં પણ પલટો આવ્યો છે. ગઈકાલે સાંજથી ઠંડી વધારે અનુભવાઈ હતી. નગરમાં મોસમના પલટાયેલા મિજાજ વચ્ચે એક જ દિવસમાં મહત્તમ તાપમાન ૪.૪ ડીગ્રીના કડાકા સાથે ૩૦ ડીગ્રી નોંધાયું હતું.
જમ્મુ-કાશ્મીર, ઉત્તરાખંડ તથા હિમાચલપ્રદેશમાં હાલ હિમવર્ષાનો દોર ચાલી રહ્યો છે. ત્યાંના ઘણાં ભાગોમાં તાપમાનનો પારો માઈનસમાં ચાલ્યો ગયો છે, જેના પગલે કડકડતી ઠંડીમાં વધારો થયો છે. લોકોને પણ ભારે હાલાકીનો સામનો કરવો પડી રહ્યો છે.
ઉત્તર ભારતમાં થયેલ હિમવર્ષાની અસર હાલાર સહિત સમગ્ર ગુજરાતમાં પડી રહી છે. સતત વધતા તાપમાન પર બ્રેક લાગી ગઈ છે. હિમવર્ષા અને પવનની ગતિમાં થયેલ વધારાના પગલે જામનગરના વાતાવરણમાં પણ ૫લટો આવ્યો હતો. ગઈકાલે સાંજથી જ ઠંડીમાં વધારો થવાનો પ્રારંભ થયો હતો. વાતાવરણમાં એકાએક થયેલા વિચિત્ર પરિવર્તનની અસર લોકોના સ્વાસ્થ્ય પર પણ પડી રહી છે. રોગચાળામાં પણ વધારો થયો છે. ખાસ કરીને શરદી, ઉધરસ તથા તાવના કેસોમાં વધારો થયો છે.
જામનગરમાં એક જ દિવસમાં મહત્તમ તાપમાનનો પારો ૪.૪ ડીગ્રી સુધી સરકીને ૩૦ ડીગ્રીએ પહોંચી ગયો હતો અને ર.૪ ડીગ્રીના ઘટાડા સાથે લઘુતમ તાપમાન ૧૯ ડીગ્રી નોંધાયું હતું. પવનની ગતિ વધીને પ્રતિકલાકની સરેરાશ રપ થી ર૦ કિ.મી.ની રહેવા પામી હતી. તાપમાનમાં થયેલા ઘટાડા અને પવનની ગતિ વધતા ગઈકાલે રાત્રે ખાસ કરીને હાઈ-વે પર ઠંડીનો ચમકારો અનુભવાયો હતો. નગરના વાતાવરણમાં ભેજનું પ્રમાણ પાંચ ટકા વધીને ૯૬ ટકા રહ્યું હતું, જેના પગલે આજે વહેલી સવારે પણ ઝાકળ વર્ષા થઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (15)_copy_800x441~3.jpeg)
 (29)_copy_800x533~3.jpeg)
 (2)_copy_800x600~2.jpeg)
