Author: નોબત સમાચાર
હુતાશણી પર્વે દ્વારકામાં ઉજવાશે ફૂલડોલ ઉત્સવ
અધિક કલેકટરે બેઠક યોજી પૂર્વ આયોજન ઘડયુંઃ
દ્વારકા તા. ૧ઃ દ્વારકાધીશ મંદિરમાં આગામી ફૂલડોલ ઉત્સવના સૂચારૃ આયોજન માટે અધિક કલેકટરના અધ્યક્ષસ્થાને બેઠક યોજાઈ હતી. જેમાં પૂર્વ આયોજન ઘડી પ્રવાસીઓને કોઈ તકલીફ ન પડે, તેની તકેદારી રાખવા તંત્રને તાકીદ કરાઈ હતી.
દ્વારકાધીશ મંદિર દ્વારકામાં આગામી પખવાડિયામાં હોળીના તહેવાર દરમ્યાન ફૂલડોલ ઉત્સવની પરંપરાગત રીતે ઉજવણી કરનાર હોય ત્યારે ફૂલડોલ ઉત્સવના સુચારૃ આયોજન અંગે નિવાસી અધિક કલેકટર ભૂપેશ જોટાણીયાની અધ્યક્ષતામાં બેઠક યોજાઈ હતી.
હોળીના તહેવાર પર બહોળી સંખ્યામાં પધારતા યાત્રિકો, પદયાત્રિકો માટે સલામતી, પીવાના પાણીની વ્યવસ્થા, સ્વચ્છતા, આરોગ્ય, પાર્કિંગ વ્યવસ્થા, સી.સી. ટીવી કેમેરાથી ચુસ્ત બંદોબસ્ત ગોઠવવા તેમજ દિવ્યાંગ દર્શનાર્થીઓ માટે વ્હીલ ચેરની વ્યવસ્થા, વીજ પુરવઠો સતત જળવાઈ રહે તેની તકેદારી રાખવી ઉપરાંત બેટ દ્વારકા, શિવરાજપુર તથા નાગેશ્વર સહિતના પ્રવાસન સ્થળો પર દર્શનાર્થીઓને કોઈપણ પ્રકારની અગવડતા ન પડે તેની તકેદારી રાખવા તાકીદ કરી અધિક કલેકટરે તમામ આનુષાંગિક વ્યવસ્થાઓ સુનિશ્ચિત કરવા માટે માર્ગદર્શક સૂચનો આપ્યા હતા.
આ બેઠકમાં જિલ્લા ગ્રામ વિકાસ એજન્સી નિયામક એચ. એ.જોશી, દ્વારકા ઈન્ચાર્જ પ્રાંત અધિકારી તથા વહીવટદાર હિમાંશુ ચૌહાણ, નાયબ કલેકટર રિદ્ધિ રાજ્યગુરૃ, નાયબ પોલીસ અધિક્ષક હાર્દિક પ્રજાપતિ, મામલતદાર સહિતના સંલગ્ન વિભાગના અધિકારીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (15)_copy_800x441~3.jpeg)
 (29)_copy_800x533~3.jpeg)
 (2)_copy_800x600~2.jpeg)
