Author: નોબત સમાચાર
જામનગર જિલ્લાના તમામ ગામોમાં 'એક તારીખ એક કલાક' સૂત્ર સાથે સફાઈ ઝુંબેશ
'સ્વચ્છતા હી સેવા' માસની ઉજવણી અંતર્ગત પહેલી ઓક્ટોબરે
જામનગર તા. ર૬ઃ સ્વચ્છતા હી સેવા માસની ઉજવણીના ભાગરૃપે દેશભરમાં તા. ૧ ઓક્ટોબરના મહાશ્રમદાન કાર્યક્રમનું આયોજન કરાયું છે. આ સંદર્ભે કલેક્ટર બી.એ. શાહના અધ્યક્ષસ્થાને જામનગર જિલ્લામાં કાર્યક્રમના સુચારૃ આયોજન માટે બેઠક યોજાઈ હતી. જેમાં જિલ્લાના તમામ ગામડાઓમાં 'એક તારીખ એક કલાક' સૂત્ર સાથે એકત્રિત કચરાની સફાઈ ઝુંબેશ અંગે સૂચનાઓ આપાઈ હતી.
તા. ૧પ સપ્ટેમ્બરથી ૧પ ઓક્ટોબર દરમિયાન 'સ્વચ્છતા હી સેવા' માસની ઉજવણી કરવામાં આવે છે. જેના ભાગરૃપે દેશભરમાં સફાઈ અભિયાનનું આયોજન હાથ ધરવામાં આવે છે. ત્યારે આગામી તા. ૧ ઓક્ટોબરના વડાપ્રધાન નરેન્દ્રભાઈ મોદીની પ્રેરણાથી તા. ૧ ઓક્ટોબરના દિવસે દેશના તમામ ગ્રામ્ય અને શહેરી વિસ્તારોમાં જન પ્રતિનિધિઓની આગેવાની હેઠળ મહત્તમ લોકભાગીદારી અને 'એક તારીખ, એક કલાક' સૂત્ર સાથે મહાશ્રમદાન કાર્યક્રમનું આયોજન થનાર છે. જામનગર જિલ્લામાં કાર્યક્રમના સુચારૃ આયોજન માટે કલેક્ટર બી.એ. શાહના અધ્યક્ષસ્થાને બેઠકનું આયોજન કરવામાં આવ્યું હતું. જેમાં મહાશ્રમદાન અંતર્ગત કરવામાં આવનાર સફાઈ અન્વયે વિવિધ બાબતોની ચર્ચા-વિચારણા કરવામાં આવી હતી.
તા. ૧ ઓક્ટોબરના સવારે ૧૦ વાગ્યાથી એક કલાક સુધી આ કાર્યક્રમનું આયોજન કરવામાં આવશે. જેમાં જામનગર જિલ્લાના દરેક ગામમાં શ્રમદાન હેઠળ જે સ્થળે ગામમાં કચરો નાખવામાં આવતો હોય તેમજ આરોગ્ય કેન્દ્ર, આંગણવાડી, શાળા તેમજ વિવિધ કચેરીઓના પ્રાંગણ અને આજુબાજુના વિસ્તારોમાં તેમજ પ્રવાસ સ્થળો, પ્રાણી સંગ્રહાલય, દરિયા કિનારા, ગૌશાળા, બસ સ્ટેન્ડ, ધાર્મિક સ્થળ પાસેના વિસ્તાર જેવા સ્થળે શ્રમદાન આયોજિત કરવાનું રહેશે અને ત્યાં એકત્રિત કચરાની એક કલાકમાં સંપૂર્ણ સફાઈ કરવામાં આવશે. સમાજનો દરેક વર્ગ તેમજ વિવિધ પ્રકારની સંસ્થાઓ અને કંપનીઓ, સોસાયટીઓ, ધાર્મિક તેમજ સામાજિક સંસ્થાઓ શ્રમદાનના આ કાર્યક્રમમાં સફાઈ અભિયાનમાં ભાગ લઈ શકશે.
આ બેઠકમાં કલેક્ટરે જણાવ્યું હતું કે, શ્રમદાન કાર્યક્રમ અંતર્ગત જામનગર જિલ્લાના તમામ ગામડાઓમાં યોગ્ય રીતે સફાઈ કરવામાં આવે તેમજ શ્રમદાનના અંતમાં એકત્રિત કચરાનો વૈજ્ઞાનિક ઢબે નિકાલ અને યોગ્ય સ્થળ માટે પહોંચાડવા માટે આયોજન કરવું, શ્રમદાનમાં ભાગ લેનાર લોકો માટે સફાઈના સાધનોની વ્યવસ્થા કરવી જેવા સૂચનો લગત અધિકારીઓને આપ્યા હતાં. આ બેઠકમાં અધિક નિવાસી કલેક્ટર બી.એન. ખેર, જિલ્લા ગ્રામ વિકાસ એજન્સીના નિયામક ચૌધરી તેમજ વિવિધ વિભાગના પદાધિકારીઓ અને અધિકારીઓ હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
