જોડિયા સ્ત્રી હુન્નર ઉદ્યોગ શાળાના મદદનીશ શિક્ષિકાને મળ્યો શ્રેષ્ઠ ગુરૃવર્યનો એવોર્ડ

Author: નોબત સમાચાર

જોડિયા સ્ત્રી હુન્નર ઉદ્યોગ શાળાના મદદનીશ શિક્ષિકાને મળ્યો શ્રેષ્ઠ ગુરૃવર્યનો એવોર્ડ

રાજ્યભરમાંથી આવેલી ર૧૮ અરજીઓમાંથી મમતાબેનની થઈ પસંદગી

જામનગર તા. ર૬ઃ સૌરાષ્ટ્રની પ્રખ્યાત સંસ્થા શેઠ કાકુભાઈ જીવણદાસ સ્ત્રી હુન્નર ઉદ્યોગ શાળા સંચાલિત શ્રીમતી યુ.વી. વ્યાસ કન્યા વિદ્યાલય જોડિયાના મદદનીશ શિક્ષિકા મમતાબેન જોશીને ફરીને વધુ એક 'શ્રેષ્ઠ ગુરુવર્યનો એવોર્ડ' પ્રાપ્ત થયો છે.

દક્ષિણ ગુજરાત ચેમ્બર ઓફ કોમર્સ એન્ડ ઈન્ડસ્ટ્રી દ્વારા ગુજરાત રાજયના શિક્ષકોમાંથી પસંદગી પામી શ્રેષ્ઠ ગુરુવર્યનો એવોર્ડ આપવામાં આવેલ છે. આ એવોર્ડ માટે ગુજરાત રાજયના વિવિધ જિલ્લાઓમાંથી ર૧૮ જેટલી અરજીઓ આ એવોર્ડ માટે આવી હતી. તેમાંથી મમતાબેનની પસંદગી થઈ હતી. ગુજરાત રાજયના શિક્ષણ મંત્રી પ્રફુલભાઈ પાનસેરીયાના હસ્તે તેમજ આ સંસ્થાના પ્રમુખ રમેશભાઈ વધાસીયા, તેમજ તમામ હોદ્દેદારોની ઉપસ્થિતિમાં મમતાબેનનું સન્માન કરવામાં આવ્યું હતું.

સંસ્થાના મેનેજિંગ ટ્રસ્ટી ભરતભાઈ સુખપરીયા, ટ્રસ્ટી અશોકભાઈ વર્મા, ટ્રસ્ટી પાર્થભાઈ સુખપરીયા, ટ્રસ્ટી પુનિતભાઈ શેઠ, સંસ્થાના મંત્રી પારુલબેન સુખપરીયા તેમજ શાળાના આચાર્ય ક્રિષ્નાબેન ચુડાસમા સંસ્થા પરિવારના સર્વે કર્મચારીગણ અને વિદ્યાર્થીની બહેનોએ આ સિદ્ધિ બદલ હર્ષની લાગણી અનુભવી હતી અને મમતાબેનને ખૂબ-ખૂબ શુભેચ્છા આપવામાં આવી હતી.

જો આપને આ પોસ્ટ ગમી હોય તો શેર કરો...