Author: નોબત સમાચાર
દરેડમાંથી ગુમ થયેલા બે તરૃણ મળી આવ્યાઃ ઠપકો મળતા પહોંચ્યા'તા મુંબઈ
મોબાઈલ લોકેશન તથા સીસીટીવી ફૂટેજે આપ્યા સગડઃ
જામનગર તા. ૨૬ઃ જામનગરના દરેડ વિસ્તારમાં રહેતા એક શ્રમિક પરિવારના અનુક્રમે તેર તથા ચૌદ વર્ષની વયના બે બાળકો પોતાના ઘરેથી સપ્તાહ પહેલા ગુમ થયા પછી પોલીસે બંનેને મુંબઈમાંથી શોધી કાઢ્યા છે. અભ્યાસ અંગે ઠપકો અપાતા આ તરૃણોએ ઘર મૂક્યાનું ખૂલ્યું છે.
જામનગરના દરેડ વિસ્તારમાં રહેતા એક શ્રમિક પરિવારના તેર તથા ચૌદ વર્ષની વયના બે સંતાન ગયા સપ્તાહે પોતાના ઘરેથી ગુમ થઈ ગયા હતા. આ બાળકોને શોધવા છતાં ક્યાંય ન મળતા આખરે પોલીસમાં જાણ કરવામાં આવી હતી. પંચકોશી-બી ડિવિઝન પોલીસે અપહરણનો ગુન્હો નોંધી તપાસ આદરી હતી.
તે દરમિયાન આ બંને બાળકો મુંબઈ પહોંચી ગયા હોવાની વિગત મળતા પોલીસ કાફલો મુંબઈ દોડી ગયો હતો અને ત્યાંથી બંને બાળકોને જામનગર લાવવામાં આવ્યા હતા. આ તરૃણોને તેમનો પરિવાર ભણવા માટે કહેતો હોવાના કારણે તે તરૃણો ઘર છોડીને ટ્રેન મારફતે મુંબઈ પહોંચ્યા હોવાનું ખૂલ્યું છે. પોલીસે બંને તરૃણોના સગડ શોધવા માટે સીસીટીવી ફૂટેજ તેમજ તેઓની સાથે રહેલા મોબાઈલના મળી રહેલા લોકેશનનો આધાર લીધો હતો. બંને તરૃણોની તેના પરિવારને સોંપણી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
